БМТнинг беғараз ёрдами

Қипчоқ давлат ўрмон хўжалиги маъмурияти ва Бирлашган Миллатлар Ташкилоти "Тараққиёт Дастури”нинг "Орол денгизи кризиси оқибатида жабр кўрган аҳолининг турмуш тарзини яхшилаш” лойиҳаси бўйича Қипчоқ давлат ўрмон хўжалиги ўрмон фонди ҳудудида асаларичиликни ривожлантириш бўйича қўшма лойиҳалар асосида иш олиб борилмоқда.

Биринчи босқич лойиҳа 37.1 млн. сўмлик грант маблағини ташкил қилиб, 22 нафар ўрмон хўжалиги ишчи-ходимларига 100 та асалари оилалари барча жиҳозлари билан тарқатиб берилди.

Ўрмон хўжалиги маъмуриятининг ташаббуси билан БМТнинг "Тараққиёт дастури”га мувофиқ Тўлқин, Назархон овуллари ҳудудидаги ўрмонзорлар билан чегарадош оилаларда асаларичиликни ривожлантириш, аҳолини ижтимоий ҳимоя қилиш мақсадида 45.3 млн. сўмлик грант маблағи ҳисобидан 26 та оилага жами 109 та асалари оилаларини тарқатиш бўйича икинчи босқич қўшма лойиҳаси ишлаб чиқилди ҳамда ушбу қўшма лойиҳа ҳам тўлиғи билан амалга оширилди.

Навоий вилоятининг Конимех туманидаги "Умид-Гулбоғ-Раҳмиддин” асаларичилик фермер хўжалиги билан шартномалар тузилиб, қўшма лойиҳаларидаги оилаларига 209 та яхши ривожланган "Карпат” зотли асалари авлоди олиб келинди. Бу ишларни амалга оширишда ўрмон хўжалигининг асаларичилик бўйича мутахассиси Қуролбой Нуғмановнинг ҳиссаси каттадир. Қипчоқ давлат ўрмон хўжалигида айни пайтда 100 тадан ортиқ асалари оилаларипарвариш қилинмоқда. Олинган асал маҳсулотлари арзон баҳоларда ўрмон хўжалигининг ишчи-ходимларига ва аҳолига сотилмоқда.

Ф.Маткаримов,

Қипчоқ давлат ўрмон хўжалиги бош ўрмонбегиси.

(Фото - http://furkat.uz)