Депутатлар фаолиятида “Долзарб 10 кунлик” ни намунали ўтказиш бўйича йиғилиш бўлиб ўтди

10 март куни туман ҳокимлигининг мажлислар залида депутатлар фаолиятида “Долзарб 10 кунлик”ни намунали тарзда ўтказишга бағишланган йиғилиш бўлиб ўтди.

Йиғилишда Қорақалпоғистон Республикаси Жўқорғи Кенгесининг Аграр, сув хўжалиги ва табиатни муҳофаза қилиш масалалари қўмитаси раиси Дуйсенбай Утамбетов, Ўзбекистон Либерал Демократик партияси Қорақалпоғистон Республикаси Кенгаши раисининг биринчи ўринбосари, аппарат раҳбари Шарап Утемисов, туманимиздан сайланган Жўқорғи Кенгес депутатлари, туман Кенгаши депутатлари, партияларнинг туман Кенгаши раҳбарлари ва оммавий ахборот воситалари вакиллари иштирок этишди.

Йиғилишда Қорақалпоғистон Республикасидаги барча даражадаги депутатларнинг фаоллигини янада ошириш бўйича 9 мартдан 19 мартгача “Долзарб 10 кунлик” эълон қилингани айтиб ўтилди.

Йиғилишда Қорақалпоғистон Республикаси Жўқорғи Кенгесининг Аграр, сув хўжалиги ва табиатни муҳофаза қилиш масалалари қўмитаси раиси Дуйсенбай Утамбетовнинг “Долзарб 10 кунлик” лойиҳасинининг ишлаб чиқилиш сабаблари ҳамда ушбу тадбирни намунали ташкил этиш бўйича тавсиялари тингланди.

“Долзарб 10 кунлик”ни ўтказиш бўйича тасдиқланган режага асосан ҳар бир депутат ўз сайлов округида сайловчилар билан учрашувлар ўтказиб, «2022-2026 йилларда Янги Ўзбекистонни ивожлантириш Стратегияси”нинг мазмун-моҳияти ва аҳамияти ҳақида ҳамда давлатимиз раҳбарининг шу йил 23-24 февраль кунлари Қорақалпоғистонга қилган хизмат сафари давомида берилган топшириқлар ижросини таъминлаш бўйича қилинаётган ишлар ҳақида тушунтириш-тарғибот ишларини олиб борадилар.

Қолаверса, Наврўз умумхалқ байрами олдидан депутатлар ўз сайлов округидаги кам таъминланган ва ёрдамга муҳтож аҳоли билан мулоқотда бўлиб, уларнинг ҳолидан хабар олиши ва ёрдамга муҳтож фуқароларга ижтимоий кўмак кўрсатиши белгиланган. Депутатлар ўз сайлов округида сайёр қабуллар, учрашувлар ва турли кўнгилочар тадбирлар ташкил қилиб, аҳолига яхши кайфият улашиш борасида ҳам фаоллик кўрсатиши зарур.

Шу ўринда айтиш керакки, пандемия даврида карантин чекловлари туфайли депутатларнинг халқ билан юзма-юз мулоқот жараёнлари бироз сусайди. Галдаги вазифа эса аҳоли билан яқиндан мулоқотда бўлиб, муаммоларини тизимли ва самарали тарзда ҳал қилишдан иборатдир.

Маълумот учун, Амударё туманидан Қорақалпоғистон Республикаси Жўқорғи Кенгесига 6 нафар депутат сайланган бўлса, туман Кенгашида 30 нафар депутат фаолият олиб боради.

Йиғилиш давомида Қорақалпоғистон Республикаси Кенгаши раисининг биринчи ўринбосари, аппарат раҳбари Шарап Утемисов аҳолининг томорқадан фойдаланиш самарадорлигини ошириш, ердан унумли фойдаланиш, “Яшил йиллик” акцияси доирасида дарахт кўчатларини экиш борасида ҳам депутатлар бошқаларга ўрнак ҳамда намуна бўлиши лозимлигини таъкидлади.

Ушбу тадбирлар халқ вакили сифатида фаолият олиб бораётган депутатларнинг ўз сайловчилари билан янада яқин мулоқотда бўлиб, жойлардаги муаммоларни ҳал қилишда муҳим аҳамият касб этиши шубҳасиз.

Туман ҳокимлигининг Ахборот хизмати