МТДП ТУМАН КЕНГАШИНИНГ ПЛЕНУМИДА ПАРТИЯ ФАОЛИЯТИ ТАҲЛИЛ ҚИЛИНДИ
Ўзбекистон “Миллий тикланиш” демократик партияси Амударё тумани Кенгашининг навбатдаги Пленуми бўлиб ўтди.
17 май куни бўлиб ўтган Пленум мажлисида Ўзбекистон “Миллий тикланиш” демократик партияси туман Кенгаши аъзолари, бошланғич ташкилотлари раҳбарлари, Қорақалпоғистон Республикаси Жўқорғи Кенгеси ва халқ депутатлари туман Кенгашига партиядан сайланган депутатлар, партия фаоллари ҳамда оммавий ахборот воситалари вакиллари иштирок этдилар.
Пленумда партия туман Кенгашининг ва депутатлик гуруҳларининг 2021 йилдаги фаолияти якунлари ҳамда 2022 йилдаги устувор вазифалари муҳокама қилинди. Мажлисда партия сайловолди Платформасида белгиланган вазифалар ижроси, партия дастурий мақсад ва вазифаларини рўёбга чиқариш, электорат манфаатларини ҳимоя қилиш каби масалалар ҳам кўриб чиқилди.
Пленумда сўзга чиққанлар эътиборни, энг аввало, ўтган ҳисобот даврида партия туман Кенгаши фаолиятидаги ютуқлар ва камчиликларга қаратди.
Таъкидланганидек, бугунги кунга келиб, партиянинг туман бўйича бошланғич партия ташкилотлари сони 50 та, партия аъзолари сони эса 1890 нафардан ошди. Ўтган ҳисобот даврида электорат манфаатларини ҳимоя қилиш мақсадида Жўқорғи Кенгесдаги партия фракцияси ва халқ депутатлари маҳаллий Кенгашларидаги партия депутатлик гуруҳлари аъзолари томонидан жами 12 та депутатлик сўрови амалга оширилган. Доимий комиссияларга 5 та масала олиб чиқилган бўлса, туман Кенгаши сессияларига 4 та масала олиб чиқилди.
Уюшмаган ёшларнинг бандлигини таъминлаш, уларни касб-ҳунарга йўналтириш, “Устоз-шогирд” анъаналарини ривожлантириш мақсадида маҳаллаларда истиқомат қилаётган уюшмаган ёшлар, кам таъминланган оилалар фарзандлари, вақтинча ишсиз хотин-қизларга қўшимча бепул касб-ҳунарга ўргатиш учун “Хизмат – беминнат” лойиҳаси доирасида ўтган йили давомида туман бўйича 50 та бепул ўқув курслари ташкил қилинди. Ўқув курсларида 381 нафар уюшмаган ёшлар ва хотин-қизларга қўшимча бепул таълим, касб-ҳунар ўргатилди. Ушбу бепул ўқув курслари мазкур йилда ҳам ташкил қилиниши белгилаб олинди.
“Уйма-уй” лойиҳаси доирасида жами 100 дан зиёд хонадонларга ташриф буюрилди. Лойиҳа доирасида ёшлар ва хотин-қизларнинг мурожаатлари тингланиб, ишсизлик ва бошқа масалаларда ёрдам берилди. Шунингдек, бир қанча ёшлар ва хотин-қизларга имтиёзли кредит олинишига амалий ёрдам кўрсатилди.
Ундан ташқари, ўтган йили партиянинг туман Кенгашида режалаштирилган ишларнинг амалда бажарилиши борасидаги камчиликлар тилга олинди. Бундан ташқари, Халқ депутатлари туман Кенгашидаги депутатлар гуруҳи томонидан туман доимий комиссиясида мансабдор шахслар ҳисоботини тинглаш бўйича биронта ҳам масала киритилмаганлиги эътироф этилди. Шу билан бирга депутатлар билан ҳамкорликни янада фаоллаштириш, партиянинг “Уйма-уй”, “Депутат билан юзма-юз” лойиҳалари доирасидаги тадбирларни кўпайтириш лозимлиги таъкидланиб, туман ҳудудидаги маданий мерос объектларини ўрганиш ва туризм соҳасида амалга оширилиши режалаштирилган ишларни бажариш бўйича фикр-мулоҳазалар тингланиб, таклифлар берилди.
Пленумда партия фаолиятида йўл қўйилган камчиликларни баратараф этиш юзасидан галдаги вазифалар белгилаб олинди. Шунингдек, Пленум якунида партия туман Кенгашининг 2022 йил учун иш-режаси тасдиқланди ва муҳокама қилинган масалалар юзасидан тегишли қарор қабул қилинди.
Ширин Янгибоева, МТДП туман Кенгаши ижрочи котиби.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
