СЕКТОРЛАР РАҲБАРЛАРИ БОЗОРЛАРДА НАРХ-НАВО БАРҚАРОР БЎЛИШИГА ЭЪТИБОР ҚАРАТМОҚДАЛАР
Жаҳонда юз бераётган иқтисодий тебранишлар туфайли бозорларда нарх-наво спекуляциясининг илдиз отишига, айрим маҳсулот турларининг сунъий тақчиллигига сабаб бўлмоқда. Айниқса, қишлоқ хўжалиги маҳсулотлари улгуржи бозори ва деҳқон бозорларида кунлик кириб келадиган мева-сабзавот, ғалла, гўшт ва нон маҳсулотларининг нархи сўнгги ҳафталарда жиддий ошгани харидорларнинг норозилигига сабаб бўлмоқда.
Шу боис, бозорларимиздаги нарх-навонинг сунъий ошишига чек қўйиш, сотувчи билан харидор ўртасида тушунмовчиликлар келиб чиқишининг олдини олиш мақсадида Амударё туманидаги секторлар раҳбарлари – 1-сектор раҳбари, туман ҳокими Султонбой Йўлдашев, 2-сектор раҳбари, туман прокурори Азиз Рўзметов, 3-сектор раҳбари, туман Ички ишлар бўлими бошлиғи Улуғбек Худойберганов ва 4-сектор раҳбари, туман давлат солиқ инспекцияси бошлиғи Айдос Сеитовлар ҳар кунги иш фаолиятини бозордаги нарх-навони назорат қилишдан бошламоқдалар.
Маълумки, буғдой етиштирувчи фермер ва деҳқонлардан тортиб, ишлаб чиқарувчи ва истеъмолчилар манфаатини кўзлаган ҳолда ун маҳсулоти реализация қилинишининг бозор тамойилларига асосланган механизми жорий қилинди. Ушбу масалада тушунмовчиликлар келиб чиқишининг ҳамда нархлар асоссиз оширилишининг олдини олиш, назорат ўрнатиш мақсадида секторлар раҳбарлари тадбиркорлар билан учрашувлар ўтказмоқда.
Аҳоли билан ҳам учрашувлар ўтказилиб, ун маҳсулоти жорий йил июнь ойидан бошлаб биржа савдоларига етарли миқдорда қўйилаётгани ва бу жараён устидан доимий назорат ўрнатилгани, Республикада ун маҳсулоти заҳираси шакллантирилгани, нарх наволарнинг кескин ошиб кетмаслиги учун зарур миқдорда ун савдоларга қўйиб борилиши тушунтирилмоқда.
Шулардан келиб чиққан ҳолда прокуратура ва солиқ органлари мутасаддилари ҳам нон ишлаб чиқарувчи ва сотувчиларни ҳамда аҳолини бу борада ҳавотирга тушмасликка, сунъий тақчиллик вужудга келтирмасликка чақирмоқдалар.
Қолаверса, асосий турдаги кундалик истеъмол маҳсулотларининг расталарда доимий савдода бўлишини таъминлаш, нарх-навонинг асоссиз равишда оширилишига йўл қўймаслик, сунъий тақчиллик келиб чиқишининг олдини олиш мақсадида тўртта сектор раҳбарлари деярли ҳар куни бозорларда ва савдо дўконларида назорат ишларини олиб боришаётганидан харидорлар ҳам мамнун.
Амалга оширилаётган назорат тадбирлари туфайли айни кунларда Манғит Деҳқон бозорида маҳсулотлар нархи сунъий ошишининг олди олинмоқда.
Сектор раҳбарлари нарх-навонинг сунъий ошириб юборилишига ҳеч қандай асос йўқлигини, мамлакатимизда, хусусан, Амударё туманида ҳам халқимиз эҳтиёжини тўлиқ таъминлайдиган даражада озиқ-овқат маҳсулотлари заҳиралари мавжудлигини таъкидлаб, сотувчи ва харидорларга бу борада зарур маълумотларни ҳам тақдим этишмоқда.
Шу ўринда юртдошларимиздан шуни илтимос қиламизки, қайсидир маҳсулот нархи ошиб кетар экан ёки тугаб қолар экан деган асоссиз миш-мишларга ишониб, эҳтиёждан ортиқ миқдорда сотиб олиш сунъий тақчиллик келиб чиқишига сабаб бўлади. Шундай экан, барча юртдошларимизни савдо ва истеъмол маданиятига риоя қилишга чақириб қоламиз.
Робия ЙЎЛДОШЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
