Китобхон ёшлар сафи кенгаймоқда
Президентимиз томонидан илгари сурилган беш муҳим ташаббуснинг асосида ёшлар маънавиятини юксалтириш, китоб мутолааси ва китобхонлик маданиятини ривожлантиришдек эзгу мақсад мужассам. Айнан тўртинчи ташаббус доирасида ёшлар ўртасида китоб мутолааси ва китобхонлик маданиятини ривожлантириш бўйича мамлакатимизда тизимли ишлар амалга оширилмоқда.
Хусусан, беш муҳим ташаббус ижросини таъминлаш, ўқувчи-ёшларнинг китобга бўлган меҳрини ошириш мақсадида Ўзбекистон ёшлар ишлари агентлиги Амударё туман бўлими томонидан “Зукко китобхон” кўрик танлови ўтказилди. Танлов Хитой овули ҳудудидаги 85-сонли мактаб биносида ташкил этилди.
Танлов маҳаллада ёшларнинг ижтимоий-маънавий билимларини янада мустаҳкамлаш ва амалий кўникмаларини ривожлантириш, иқтидорли ёшларни аниқлаш ҳамда уларнинг бўш вақтларини мазмунли ташкил этиш, уларнинг интеллектуал салоҳияти ва иқтидорларини намойиш этиш учун имконият яратиш ҳамда китоб ўқишга бўлган қизиқишларини янада ошириш мақсадида ташкил этилди.
Тадбир аввалида Хитой овули ёшлар етакчиси Ғайрат Собиров ва Бўз ёп овули ёшлар етакчиси Валибек Аминовлар сўзга чиқиб, ўқувчи-ёшларнинг китоб ўқишга бўлган қизиқишларини янада ошириш, уларнинг дунёқарашларини кенгайтириш мақсадида бундай китобхонлик мусобақаларни ўтказиб туриш муҳимлигини таъкидлаб, жамоаларга омадлар тилади.
Маҳалла ёшлари ўртасида китобхонлик маданиятини ошириш, уларнинг маънавий савиясини юксалтириш мақсадида ташкил этилган танловда иштирокчилар ўз билимларини синовдан ўтказдилар. Қизиқарли мунозараларга бой бўлган ушбу кўрик-танлов ёшлар давлатимиз томонидан яратилиб бераётган имкониятлардан самарали фойдаланаётганликларини яна бир бор кўрсатди.
Ҳайъат аъзолари иштирокчиларнинг китоб мутолааси бўйича билимларини синаб, танлов ғолибларини аниқладилар.
– Китоб инсоннинг эркин фикрлаши, ақлан етук бўлиши ҳамда маънавиятининг шаклланишида асосий ўринни эгаллайди, – дейди мактаб директорининг маънавий-маърифий ишлар бўйича ўринбосари. – Шу боис мактабида анъанавий тарзда китобхонлик бўйича кўрик-танловлар ўтказилиб, ўқувчи-ёшларнинг китобга бўлган қизиқишларини ошириш орқали уларнинг маънавий салоҳиятини юксалтиришга алоҳида эътибор қаратиб келинмоқда.
Тадбир давомида сўзга чиққанлар давлатимиз томонидан ёшларнинг китобхонлик маданиятини юксалтиришга қаратилаётган юксак эътибор ҳақида тўхталиб, китоб ўқишнинг фойдали жиҳатларини тарғиб қилдилар.
Бу каби танловларнинг ўтказилиши йилдан йилга ўқувчиларнинг китобга бўлган қизиқиши ортиши ва дунёқарашининг ривожланишига ҳамда Ватанга бўлган меҳр-муҳаббатининг ошишига хизмат қилмоқда.
Танлов сўнггида ғолиб ва совриндорлар бошланғич ташкилот томонидан диплом ва эсталик совғалар билан тақдирланди.
Севара ИСМОИЛОВА, ҚДУ талабаси
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
