Kitobxon yoshlar safi kengaymoqda
Prezidentimiz tomonidan ilgari surilgan besh muhim tashabbusning asosida yoshlar maʼnaviyatini yuksaltirish, kitob mutolaasi va kitobxonlik madaniyatini rivojlantirishdek ezgu maqsad mujassam. Aynan toʻrtinchi tashabbus doirasida yoshlar oʻrtasida kitob mutolaasi va kitobxonlik madaniyatini rivojlantirish boʻyicha mamlakatimizda tizimli ishlar amalga oshirilmoqda.
Xususan, besh muhim tashabbus ijrosini taʼminlash, oʻquvchi-yoshlarning kitobga boʻlgan mehrini oshirish maqsadida Oʻzbekiston yoshlar ishlari agentligi Amudaryo tuman boʻlimi tomonidan “Zukko kitobxon” koʻrik tanlovi oʻtkazildi. Tanlov Xitoy ovuli hududidagi 85-sonli maktab binosida tashkil etildi.
Tanlov mahallada yoshlarning ijtimoiy-maʼnaviy bilimlarini yanada mustahkamlash va amaliy koʻnikmalarini rivojlantirish, iqtidorli yoshlarni aniqlash hamda ularning boʻsh vaqtlarini mazmunli tashkil etish, ularning intellektual salohiyati va iqtidorlarini namoyish etish uchun imkoniyat yaratish hamda kitob oʻqishga boʻlgan qiziqishlarini yanada oshirish maqsadida tashkil etildi.
Tadbir avvalida Xitoy ovuli yoshlar yetakchisi Gʻayrat Sobirov va Boʻz yop ovuli yoshlar yetakchisi Valibek Aminovlar soʻzga chiqib, oʻquvchi-yoshlarning kitob oʻqishga boʻlgan qiziqishlarini yanada oshirish, ularning dunyoqarashlarini kengaytirish maqsadida bunday kitobxonlik musobaqalarni oʻtkazib turish muhimligini taʼkidlab, jamoalarga omadlar tiladi.
Mahalla yoshlari oʻrtasida kitobxonlik madaniyatini oshirish, ularning maʼnaviy saviyasini yuksaltirish maqsadida tashkil etilgan tanlovda ishtirokchilar oʻz bilimlarini sinovdan oʻtkazdilar. Qiziqarli munozaralarga boy boʻlgan ushbu koʻrik-tanlov yoshlar davlatimiz tomonidan yaratilib berayotgan imkoniyatlardan samarali foydalanayotganliklarini yana bir bor koʻrsatdi.
Hayʼat aʼzolari ishtirokchilarning kitob mutolaasi boʻyicha bilimlarini sinab, tanlov gʻoliblarini aniqladilar.
– Kitob insonning erkin fikrlashi, aqlan yetuk boʻlishi hamda maʼnaviyatining shakllanishida asosiy oʻrinni egallaydi, – deydi maktab direktorining maʼnaviy-maʼrifiy ishlar boʻyicha oʻrinbosari. – Shu bois maktabida anʼanaviy tarzda kitobxonlik boʻyicha koʻrik-tanlovlar oʻtkazilib, oʻquvchi-yoshlarning kitobga boʻlgan qiziqishlarini oshirish orqali ularning maʼnaviy salohiyatini yuksaltirishga alohida eʼtibor qaratib kelinmoqda.
Tadbir davomida soʻzga chiqqanlar davlatimiz tomonidan yoshlarning kitobxonlik madaniyatini yuksaltirishga qaratilayotgan yuksak eʼtibor haqida toʻxtalib, kitob oʻqishning foydali jihatlarini targʻib qildilar.
Bu kabi tanlovlarning oʻtkazilishi yildan yilga oʻquvchilarning kitobga boʻlgan qiziqishi ortishi va dunyoqarashining rivojlanishiga hamda Vatanga boʻlgan mehr-muhabbatining oshishiga xizmat qilmoqda.
Tanlov soʻnggida gʻolib va sovrindorlar boshlangʻich tashkilot tomonidan diplom va estalik sovgʻalar bilan taqdirlandi.
Sevara ISMOILOVA, QDU talabasi
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
