МУҚАДДАС ДИНИМИЗДА ОДАМЛАР ТИНЧЛИГИГА ДАХЛ ҚИЛИШ ҚАТТИҚ ҚОРАЛАНАДИ
Тангри бизни турли ҳодисалар, ташвишлар билан синаб, тоблаб, мукаммалроқ қилади. Жорий йилнинг 1-2 июль кунларида Нукус шаҳрида рўй берган тартибсизликлар, конституцион тузумга қарши норозилик сифатида одамларнинг кўчаларга, турли объектларга зарар етказгани юртимизни ғараз ниятли кучлардан янада ҳушёр, огоҳ бўлиб асрашимиз кераклигини кўрсатди, юртимизнинг ҳар бир фуқароси кўнглида юрт тинчлиги, осойишталиги учун масъулиятни оширди.
Боиси, кўчаларда тўпланган оломон, машиналарга ўт қўйган, биноларга шикаст етказганлар сиз-у бизнинг биродарларимиз. Улар мамлакатимиздаги ободлик, шиддат билан кечаётган янгиланишларни, инсон омилига қаратилаётган эътиборни, эъзозни, бахтиёр давронимизни кўра олмаган ғайри кучларнинг ноғорасига ўйнагани учун барчамиз ҳам айбдормиз.
Яратганга шукурки, жаннатмакон диёримизда ҳар бир фуқаронинг эмин-эркин, фаровон яшаши, ишлаши, ёшларнинг ўқиб-изланиб, илм, касб-кор, мутахассислик эгаллаши учун барча шароитлар муҳайё. Кейинги тўрт-беш йилда Нукус қанчалар ўзгарганини ким ҳис қилмаяпти? Қуш учса қаноти, инсон борса оёғи куядиган Мўйноқ қанчалар обод масканга айланганини, икки йилки, юртнинг иқтидорли, ёш санъаткорлари ғолиблик учун беллашаётган, ўзлигини намоён этаётган Бўзатовдаги яратилган шароитларни айтмайсизми? Фуқароларини эъзозлаётган, ёшларига барча имкон эшикларини очаётган давлатимиз ғамхўрлигидан миннатдор яшашимиз керак эмасми?
Мен шу юртнинг бир оиласи бекаси, нуроний сифатида ўша воқеаларни тўқликка шўхлик, деб баҳолагим келади. Муқаддас динимизда вайронгарчилик келтириш, одамлар тинчлигига дахл қилиш қаттиқ қораланади. Азизлар, алҳамдулиллаҳ, ҳаммамиз мусулмонмиз. Динимиз, давлатимиз иродасига қарши бормайлик, тинчлик деган улуғ неъматнинг шукрини қилайлик!
Ўғилжон ҳожи Ўрозова,
Манғит шаҳри, Чордара маҳалласи.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
