Тўлқин овулида 39-сонли давлат МТТ биноси реконструкция қилиниб, қўшимча бино қурилмоқда
Мамлакатимизнинг ижтимоий ва ишлаб чиқариш инфратузилмасини изчил ривожлантириш, қишлоқ ва маҳаллаларни янада обод қилиш, жойларда қулай тадбиркорлик ва инвестиция муҳитини шакллантириш, шунингдек, иқтисодиёт тармоқлари ва ижтимоий соҳага инвестицияларни жалб қилиш орқали янги иш ўринларини яратиш, аҳолининг турмуш даражасини яхшилаш мақсадида манфаатдор вазирликлар, вилоятлар ҳокимликлари, Қорақалпоғистон Республикаси Вазирлар Кенгаши билан биргаликда 2022-2024 йилларда Ўзбекистон Республикасининг ижтимоий ва ишлаб чиқариш инфратузилмасини ривожлантириш Дастури ишлаб чиқилган.
Жорий йилда Амударё тумани бўйича 7 та объектда ушбу Дастурга мувофиқ қурилиш-таъмирлаш ишлари олиб борилмоқда. Булар 18-сонли, 36-сонли, 56-сонли мактаблар биноларини реконструкция қилиш ва қўшимча бинолар қуриш, Оқ олтин овулидаги сув иншоотини реконструкция қилиш ва 17,5 км. ичимлик суви тармоқларини тортиш, Манғит арна каналининг 4,8 км. қисмини реконструкция қилиш, Манғит шаҳридаги “Баркамол авлод, Жумуртов, Тадбиркорлар, Шифокорлар ва Халқлар дўстлиги кўчаларида 2,7 км. узунликда саломатлик йўлакларини қуриш, Тўлқин овулидаги 39-сонли давлат мактабгача таълим ташкилоти биносини реконструкция қилиш ва 180 ўринли қўшимча бино қуриш ишларидир.
39-сонли Мактабгача таълим ташкилоти биносини реконструкция қилиш ва қўшимча бино қуриш ишларини “Жумуртов тех таъмир сервис” масъулияти чекланган жамияти қурувчилари амалга оширмоқдалар.
Бино реконструкцияси ва қўшимча бино қурилиши учун 3 миллиард 609 миллион 400 минг сўм пул ажратилган.
Қурувчилар шу кунгача лойиҳада белгиланган ишларнинг 60 фоизга яқин қисмини адо этдилар. Бинонинг Б блокида том қисмини ёпиш, А блокнинг, биринчи қаватида ғишт териш ишлари якунланди ва плита ёпиш ишлари олиб борилмоқда.
Қурувчилар объектни белгиланган муддатда битказишлари учун уларга зарур шароитлар яратилган. Вақтида иссиқ овқат, чой билан таминланаяти. Ойлик маошлари ўз вақтида тўланмоқда.
Яқин кунларда бино қурилиши тугалланиб, мактабгача таълим ташкилоти яна болажонларни ўз бағрига чорлайди. Ташкилотда болалар қамрови қўшимча бино қурилиши туфайли 180 тага ошиши тўлқинлик оилалар учун қувончли воқеа бўлади. Чунки фарзандини мазкур болалар боғчасига бериш учун навбатда турганлар кўпчиликни ташкил қилади. Қачонки фарзандларидан кўнгли хотиржам бўлган ота-онанинг ишида унум бўлади.
Шу боисдан ҳам овул марказида, аҳоли гавжум яшайдиган ҳудудда боғча биноси қурилишининг юқори суръатларда олиб борилаётганидан аҳоли хурсанд.
Ойгул РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
