Амударё туманига Ўзбекистон Республикаси Бош вазирининг ўринбосари — Оила ва хотин-қизлар давлат қўмитаси раиси Зулайҳо Маҳкамова ташриф буюрди
28 сентябрь куни Амударё туманига Ўзбекистон Республикаси Бош вазирининг ўринбосари — Оила ва хотин-қизлар давлат қўмитаси раиси Зулайҳо Маҳкамова, Қорақалпоғистон Республикаси Вазирлар Кенгаши раиси ўринбосари − Оила ва хотин-қизлар қўмитаси раиси Марям Аҳмедовалар ташриф буюришди.
Ташриф давомида меҳмонлар Чойкўл овулидаги “Полвоновул” фермер хўжалигида бўлишиб, хотин-қизлар фаоллари, “Оқила аёллар ҳаракати” аъзолари билан учрашиб суҳбатлашишди.
Суҳбат давомида маҳалла ва оилада ижтимоий маънавий муҳит барқарорлигини таъминлаш, нотинч, ажрим ёқасида турган оилалар билан ишлаш, ҳамда аёллар ўртасида жиноятчиликни олиш борасида амалга оширилиши лозим бўлган муҳим вазифаларга тўхтаб ўтилди.
Шунингдек, “Оқила аёллар” ҳаракати аъзоларига ёллар, айниқса, ёш қизларда оилага ва Ватанга садоқат, фидойилик, ташаббускорлик туйғуларини сингдириш, одобли қиз ва маърифатли она бўлиб шаклланишлари учун қаратилган чора-тадбирларни амалга ошириш бўйича ўзининг кўплаб тавсияларини бериб ўтди.
Шундан сўнг, меҳмонлар “Полвоновул” фермер хўжалигининг пахта далаларида меҳнат қилаётган илғор теримчи аёллар билан учрашиб, улар учун дала бошида яратилган шарт-шароитлар, тушлик ва чой ташкил этилгани, терим пулларининг ўз вақтида берилаётганига гувоҳ бўлди. Қолаверса, ишсиз аёлларнинг бандлиги таъминланиб, оиласига қўшимча даромад киритаётганини кўриб мамнун бўлди. Уларга давлатимиз иқтисодиёти ҳамда фаровонлигига қўшаётган ҳиссалари учун миннатдорлик билдирди.
Шундан сўнг дала бошида ош тортилди. Теримчи аёллар туманимизнинг таниқли санъаткорлари томонидан ижро этилган гўзал наволарга рақсга тушишиб, маданий ҳордиқ олдилар. Қолаверса, меҳмонлар илғор теримчиларни қимматбаҳо совғалар билан тақдирлаб, уларга куч-ғайрат, мустаҳкам соғлик тилади.
Аёллар бу каби кўрсатилаётган эътибордан мамнун бўлиб, мутасаддиларга ўз миннатдорлигини билдиришди. Дарҳақиқат, жамиятимизда аёл-қизларга бўлган эътибор уларнинг ёрқин келажагини таъминлаш мақсадида қабул қилинаётган қарор ва фармонлар уларни янада шижоат билан олға интилишларига хизмат қилмоқда.
Айниқса, уларга яратилаётган имкониятлар кўлами ниҳоятда кенг бўлиб, уларнинг ўқиб билим олиши, касб-ҳунар эгаллаши учун кўплаб шароитлар яратилган. Аёл-қизлардан эса фақатгина ушбу имкониятлардан самарали фойдаланиш талаб этилади халос.
Таъкидлаш жоиз, бугуни кун аёли билан бундан 6 йил олдинги аёл-қиз ўртасида катта фарқ бор. Янгиланаёган Ўзбекистонимизда инсон дунёқараши, фикрлаши ҳам ўзгарган. Халқимиз замон билан тенг қадам ташлашга, ҳар бир инсон жамиятда ўзининг муносиб ўрнини топшига интилмоқда. Инсон қадри ҳар нарсадан устун турувчи юртимизда ҳар бир аёл-қизга бўлажак она, Ватанимизнинг порлоқ келажаги тарбиячиси сифатида қаралиб, улар давлатимиз раҳбарининг доимий диққат эътиборида.
Чойкўл овулида бўлиб ўтган мазкур учрашув ҳам мана шу эътиборнинг бир ифодасидир.
Ф.Эшимбетова, туман ҳокимлигининг Ахборот хизмати раҳбари
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
