СПОРТ ФАХРИЙСИГА ЮБИЛЕЙИ МУНОСАБАТИ БИЛАН СОВҒАЛАР ТОПШИРИЛДИ

Кейинги йилларда кексаларни давлат томонидан қўллаб-қувватлаш, уларга ижтимоий хизматлар кўрсатиш тизимини яхшилаш борасида қатор чроа-тадбирлар амалга оширилмоқда. Шунингдек, маҳаллаларда фахрий сифатида эътиборли, катта ҳаётий тажрибага эга нуронийларга ижтимоий ҳаётда фаол иштирок этишларига, ёшлар орасида урф-одатларимизни, анъаналаримизни асраб-авайлаш, миллий қадриятларимизни ўзбекона одоб-ахлоқни кенг тарғиб этишларига шароит яратилмоқда. Бу нуроний ёшга етиб, улкан ҳаётий тажрибага эга бўлган отахон-онахонларнинг жамиятга ўзларини керакли эканликларини ҳис қилишларига, фаол бўлишга ундайди.

Халқ таълими фахрийси Бахтиёр Ражабов айни кунда нафақада, Бойовул маҳалласида истиқомат қилади. Фарзандлари уйли-жойли бўлиб, ҳаётда ўз ўринларини тоган. Неваралари ҳам камолга етди. Бироқ бир умр мактабда, спорт мактабида жисмоний тарбия фани ўқитувчиси сифатида фаолият юритган, спортни тарғиб қилишга улкан ҳисса қўшган фахрий устоз тиниб-тинчиб ўтиришни ўзига эп кўрмайди, маҳалла ҳаётида фаол иштирок этади, қаерда спорт мусобақалари ўтказилса, шу ерда ҳозир бўлади, ёшлар ютуқларидан ўзида йўқ қувонади.

Бахтиёр Ражабов, айниқса, туманимизда спортнинг волейбол тури оммалашишида, маҳоратли волейболчилар етишиб чиқишига улкан ҳисса қўшди. Шогирдлари нуфузли мусобақаларда ғолиб ва совриндор бўлди. Унинг меҳнатлари муносиб эътироф этилиб, туман спорти фидойиси сифатида тилга олинади.

Жорий йилда спорт фахрийси Бахтиёр Ражапбов табаррук 70 ёшни қаршиламоқда. Шу муносабат билан жорий йилнинг 2 ноябрида Қорақалпоғистон Республикаси спортини ривожлантириш вазирлиги ходимлари Азамат Холбоев, Пўлат Болтабоев, туман спортни ривожлантириш бўлими бошлиғи Ғуломжон Қурбонбоевлар унинг хонадонига бориб, юбилярни қутлаб, совғалар топширдилар. Собиқ спорчига спорт кийимлари жамланмаси топширилиб, миллий чопон ва дўппи кийдиришди.

Нуфузли меҳмонлар ташрифи Бахтиёр Ражабов хонадонида улкан тантанага айланиб кетди. Бахтиёр Ражабовнинг туманда спортни оммалаштириш, ривожлантириш борасидаги улкан хизматлари тилга олинди ва келгусида ҳам спорт ҳолатида бўлиб, йўл-йўриқ кўрсатиб, узоқ яшашини тиладилар.

“Янги Ўзбекистонда эл азиз – инсон азиз!” ҳаёт тарзимиздан теран жой олаётган бу тамойил неча-неча кўнгиллар шод, обод бўлишига хизмат қилаётир.

Бахтиёр Ражабов ҳам буни ўз ҳаётида чуқур ҳис этиб, нуфузли меҳмонларга миннатдорчилик билдирди.

Чиндан-да, узоқ йиллар самарали меҳнат қилиб, кексалик даврига кирганингда ҳам йўқлашса меҳнатларингни эътироф этишса, бу бахт.

Шунингдек, туман Халқ таълими бўлимининг Маънавий-маърифий ишларни мувофиқлаштириш шўъбаси раҳбари Зафарбек Абдуллаев, Янгиобод маҳалласи ёшлар етакчиси Роза Камолова, 40-сонли мактаб масъуллари совға-салом билан икки карра Ўзбекистон, бир неча маротаба Қорақалпоғистон ва Осиё чемпиони Қундузой Қўшназарова хонадонига ташриф буюрдилар.

Қундузой Қўшназарова 40-сонли мактабнинг 6-синфида ўқийди. 2019 йилдан бери спортнинг каратэ тури билан шуғулланади. Ёшлигидан спортга бўлган қизиқишини пайқаган отаси Карим ака Қўшназаров қизини қўллаб-қувватлаб келаётган эди. Оддий ўзбек хонадонининг севимли қизи бўлган Қундузой ҳам қисқа муддат ичида кўплаб ютуқларга эришди. Ёш спортчи қизнинг шижоатини кўрган спорт мураббийси уни дастлаб туман миқёсидаги мусобақаларга, кейинчалик Республика миқёсидаги чемпионатларга йўналтирди.  Қундузой шу йил 1-2-3 май кунлари Қирғизистон Республикасида бўлиб ўтган Осиё чемпионатида қатнашиб, фахрли 2-ўринни эгаллади. Шу сабабли Қундузойнинг ота-онасига Ўзбекистон Республикаси Халқ таълими вазирлиги ҳамда Маҳалла ва Нуронийларни қўллаб-қувватлаш вазирлиги томонидан ташаккурнома тақдим қилинди.

Ойгул РАЖАБОВА.