ҚУТУРИШ КАСАЛЛИГИДАН ЭҲТИЁТ БЎЛИНГ!
Қутуриш – ўткир юқумли зооноз касаллик бўлиб, марказий нерв системасининг зарарланиши билан таърифланади.
Инфекция манбаи қутурган уй ва ёввойи ҳайвонлардир. Итнинг сўлагида вирус қутуриш белгилари маълум бўлишидан 7-10 кун илгари пайдо бўла бошлайди. Итдан қутуриш касаллиги юқиши учун итнинг одамни тишлаши шарт эмас, унинг сўлаги одам терисидаги шилинган ёки тирналган жойига тушса ҳам касаллик юқади.
Яраланган одам терисига тушган ит сўлагидаги вирус нерв толалари бўйлаб, бош ва орқа мияга етиб боради ва уларда кўпайиб, чуқур ўзгаришлар юз беришига сабаб бўлади.
Касалликнинг инкубацион, яъни яширин даври 1-2 ой давом этади, баъзан 2 ҳафтагача қисқариши ёки 1 йилгача узайиши мумкин.
Бошланғич, яъни продрома даври 2-3 кун давом этади. Бемор уйқуси бузилиб, иштаҳаси бўғилади. Унда қўрқув ҳисси пайдо бўлади, кайфияти ўзгариб туради. Кейин бемор атрофга лоқайд бўлган ҳолда ётади. Ҳайвон тишлаган жойдаги жароҳат тортишиб оғрийди. Сувдан ва ҳаводан қўрқиш белгилари пайдо бўлади. Кейинчалик бемор кўзига йўқ нарсалар кўринади, у алаҳлайди. Бу давр 2-3 кундан, 5-6 кунгача давом этиш мумкин.
Фалаж даврида гидрофобия анча камаяди, бемор тинчланади, суюқлик ича бошлайди. Шу ҳолатда оёқлар фалажи бошланади. Шу ҳолат давом этиб, бемор юрак фаолияти етишмаслиги оқибатида ўлади.
Қутуришнинг давоси йўқ. Профилактикаси – дайди ит ва ҳайвонлардан эҳтиёт бўлишдир. Ит тишлаган одамларни ўз вақтида эҳтиётдан эмлаш орқалигина ҳаётини сақлаб қолиш мумкин.
Дурбек Бобожонов,
туман СЭО ва ЖСБ эпидемиолог-шифокори.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
