2014 ЙИЛДА ТУМАННИ ИҚТИСОДИЙ-ИЖТИМОИЙ РИВОЖЛАНТИРИШ ЯКУНЛАРИ ҲАМДА 2015 ЙИЛГИ РЕЖАЛАР

ИҚТИСОДИЁТ

2014 йил якунларига кўра халқ истеъмол моллари ишлаб чиқариш ҳажми 20.8 млрд. сўмни ташкил қилиб, 2013 йилнинг шу даврига нисбатан 120 фоизга, қишлоқ хўжалиги ялпи маҳсулоти 141,3 млрд. сўмни ташкил қилиб, 106,5 фоизга, пудрат ишлари 67,5 млрд. сўмни ташкил қилиб, 114,8 фоизга, чакана савдо айланмаси 130,1 млрд. сўмни ташкил қилиб, 113,5 фоизга, пуллик хизмат кўрсатиш 55,7 млрд. сўмни ташкил қилиб, 125,2 фоизга ошиши кутилмоқда.

Саноат салоҳиятини ривожлантириш Дастурига асосан 32 та лойиҳалар тўлиқ амалга оширилиб, уларга 5161,0 млн. сўм, шу жумладан лойиҳа ташаббускорлари томонидан 2608,0 млн. банк кредитлари ҳисобидан 2553,0 млн. сўм маблағ сарфланди.

Сервис ва хизмат кўрсатиш соҳаларини ривожлантириш дастурига асосан 101 та сервис ва хизмат кўрсатиш объектлари ишга туширилиши натижасида 186 та янги иш ўринлари ташкил қилинди.

Туманда қишлоқ хўжалик маҳсулотлари ишлаб чиқаришни, яъни чорвачилик, паррандачилик, балиқчилик, асаларичиликни ривожлантириш дастури ишлаб чиқилиб, мазкур дастурга жами қиймати 2 млрд. 443 млн. сўмлик 49 та лойиҳалар киритилди. Бу йўналишда олиб борилган ишлар натижасида жами 2 млрд. 461 млн. сўмлик инвестициялар ўзлаштирилиб, 49 та лойиҳа тўлиқ амалга оширилиб, уларда 204 та янги иш ўрни яратилди.

Бугунги кунда туманда жами 1301 та кичик бизнес субъектлари давлат рўйхатидан ўтказилган бўлиб, шундан 1260 таси фаолият кўрсатмоқда. Туман тижорат банклари томонидан уларни қўллаб-қувватлаш мақсадида жами 13 млрд. 782 млн. сўм кредит маблағлари ажратилди. Натижада 240 та кичик бизнес субъектлари ташкил қилиниб, ўз фаолиятини бошлади. Бундан ташқари, якка тадбиркор сифатида 218 та фуқаро давлат рўйхатидан ўтиб, ўз фаолиятини бошлади.

2014 йилда "Амударё пахта тозалаш” АЖга қарашли пахта тозалаш заводи Манғит шаҳри марказидан "Оқ олтин” овулига кўчириб ўтказилди. Овулдаги пахта қабул қилиш маскани ҳудудида 5 миллиард сўмликдан ортиқ қурилиш ва таъмирлаш ишлари амалга оширилиб, корхона янгидан иш бошлади.

2014 йилда туманимизда ип-калава ишлаб чиқаришга мўлжалланган, умумий қиймати 32,0 млн. ЕВРО (51 млн. 300 минг АҚШ доллари) миқдоридаги замонавий ускуналар билан жиҳозланган янги корхона – "AMUDARYOTEX” МЧЖ кўринишидаги хорижий корхонаси ишга туширилиб, корхона томонидан ип-калава ишлаб чиқариш йўлга қўйилди. Лойиҳани амалга ошириш натижасида 320 та янги иш ўринлари яратилди.

2014 йилга мўлжалланган бандлик дастури тўлиқ ижро этилиб, 5258 та янги иш ўринлари яратилди.

"Соғлом бола йили” давлат дастури ижросини таъминлаш учун 24 млрд. 54 млн. 100 минг сўм, 375.9 минг АҚШ доллари ва 36.0 минг ЕВРО миқдорида маблағ сарфланди.