ИСЛОҲОТЛАР САМАРАСИ МИБ ТУМАН БЎЛИМИ ФАОЛИЯТИ МИСОЛИДА

Ўзбекистон Республикаси Бош прокуратураси ҳузуридаги Мажбурий ижро бюроси суд ҳужжатлари ва бошқа органлар ҳужжатларини мажбурий ижро этишда самарали натижаларга эга бўлаётган, замонавийлашган давлат ташкилоти сифатида фаолият кўрсатиб келмоқда. Бугунги кунда Бюрога юклатилган вазифалар доирасида қонун устуворлигини таъминлаш, фуқароларнинг ҳуқуқ ҳамда эркинликлари, жамият ва давлатнинг қонун билан қўриқланадиган манфаатларини ҳимоя қилиш борасида самарали ишлар амалга оширилмоқда.

Мажбурий ижро бюросининг Амударё тумани бўлими томонидан ҳам суд ҳужжатлари ва бошқа органлар ҳужжатлари ижросини таъминлаш юзасидан муайян ишлар бажарилиб келинмоқда. Бюронинг туман бўлимида айни пайтда 9 нафар ходим, шундан 5 нафар давлат ижрочилари судлар ва бошқа ваколатли органларнинг мулкий ва номулкий ундирувлар билан боғлиқ қарорлари ижросини сўзсиз таъминлаб, ваколатли органлар томонидан давлат фойдасига ундирилиши белгиланган маблағларни мажбурий ундириб боришга қаратилган барча чора-тадбирларни кўриб боришмоқда.

Сўнгги даврларда ижро соҳасига IT-технологиялари кенг жорий этилаётгани натижасида, жойлардаги каби Бюронинг туман бўлимида ҳам “МИБ-Портал” дастури ҳудуддаги идора ва ташкилотларнинг ахборот тизимларига интеграция қилинди. Давлат ижрочиларининг айрим ижро ҳаракатларини амалга ошириш ва қарорларини қабул қилиш жараёни автоматлаштирилди. Эндиликда ижро ишлари бўйича қарздорларнинг мулкларини аниқлаш, таъқиқ қўйиш ва қарздорлик бартараф этилганда бекор қилиш кабилар электрон тизим орқали давлат ижрочисининг аралашувисиз олиб борилмоқда.

Бюронинг туман бўлимида жорий йилнинг биринчи ойига қадар жами 141,7 млрд. сўмлик 20716 та ижро ҳужжатлари қабул қилинган эди. Шундан 100,4 млрд. сўмлик 12939 та ижро ҳужжатлари тамомланди ва тугатилди. Амалда 52,5 млрд. сўмлик 7542 та ижро ҳужжатлари ундирилди ва ҳисобот ойи охирига 41,3 млрд. сўмлик 7777 та ижро ҳужжатлари қолдиқда қолди.

Давлат фойдасига ундирув бўйича, иш юритувига жами 44,9 млрд. сўмлик 12404 та ижро ҳужжатлари олиниб, шундан, 27 млрд. сўмлик 6857 та ижро ҳужжатлари тамомланди. Амалда 21,9 млрд. сўмлик 4952 та ижро ҳужжати ундирилди ва ой охирига 17,9 млрд. сўмлик 5547 та ижро ҳужжати қолдиқда қолди.

Солиқ қарздорлиги ижроси юзасидан эса иш юритувига жами 38,6 млрд. сўмлик 4291 та ижро ҳужжатлари олиниб, 23,5 млрд. сўмлик 2707 та ижро ҳужжатлари тамомланди. Амалда 19,1 млрд. сўмлик 1519 та ижро ҳужжати ундирилди. Ой охирига 15,1 млрд. сўмлик 1584 та ижро ҳужжати қолдиқда қолди.

Шунингдек, жиноий ва маъмурий жарималарни ундирилиши юзасидан жами 2,6 млрд. сўмлик 2781 та ижро ҳужжатлари иш юритувга олинган бўлса, шундан 1,5 млрд. сўмлик 1249 та ҳужжат тамомланди. Амалда 1 млрд. сўмлик 1040 та ижро ҳужжати ундирилди ва ой охирига 1,1 млрд. сўмлик 1532 та ҳужжат қолдиқда қолди.

Иқтисодий ва фуқаролик ишлари бўйича судларнинг давлат божларини ундириш бўйича бўлим иш юритувига жами 2,7 млрд. сўмлик 5228 та ижро ҳужжатлари олинди. Шундан, 1,4 млрд. сўмлик 2818 та ижро ҳужжатлари тамомланди. Амалда 1,1 млрд. сўмлик 2310 та ижро ҳужжати ундирилди ва ой охирига 1,3 млрд. сўмлик 2410 та ижро ҳужжати қолдиқда қолди.

Алимент ундируви билан боғлиқ ижро хужжатлар ўтган йил қолдиғи билан иш юритувга жами 1401 та ҳужжат олинган бўлиб, шундан, 423 таси тамомланди ва 43 таси ундирилиб, ой охирига 978 та ижро ҳужжати қолдиқда қолди.

Ўтган давр мобайнида бўлим иш юритувига жами 354 та мурожаатлар келиб тушган бўлса, улардан 342 таси ҳал қилинди. Қолган 112 таси қаноатлантирилиб, 230 таси бўйича тушунтиришлар берилди. Шунингдек, 4 та мурожаат кўрмасдан қолдирилди. Бўлим томонидан қонунчилик тарғиботи бўйича жойларда мунтазам равишда тадбирлар ҳам ўтказилиб борилмоқда.

Бюронинг туман бўлимида асосий эътибор давлат манфаатларини кўзлаб чиқарилган мажбурий ундирув билан боғлиқ қарорлар ижросини таъминлашга қаратиб келинмоқда. Давлатга етказилган зарарларни, шу жумладан солиқ қарздорлигини, давлат божи, маъмурий ва жиноий жарималарни ундириш, жиноятлар натижасида давлат манфаатларига етказилган зарар ундирувлари ҳам ўз муддатида ижро этилиши таъминланмоқда.

Қадамбой Холмуродов, МИБ туман бўлими давлат ижрочиси.