“ОРОЛ – МЕНИНГ ТАҚДИРИМДА” МАВЗУСИДАГИ ИНШОЛАР ТАНЛОВИ ЯКУНЛАНДИ

Туманимизда фаолият юритаётган “Жайхун илҳомлари” нодавлат нотижорат ташкилоти томонидан “Беш ташаббус – беш имконият!” номли грант лойиҳасининг иш режаси бўйича туманимизнинг барча ҳудудларида ёшлар билан учрашувлар, бадиий кечалар, танловлар, турли тадбирлар ўтказилиб келинмоқда. Лойиҳанинг асосий  мақсади – ёшлар маънавиятини юксалтириш, уларнинг истеъдодларини юзага чиқариш, ёшларни турли зарарли иллатлардан ҳимоя қилишдир.
Шу йилнинг январь ойида “Жайхун илҳомлари” ННТ томонидан “Тараққиёт кўзгуси” газетаси таҳририяти билан ҳамкорликда манзилли қўллаб-қувватлаш дафтарларига киритилган ёшларнинг адабиётга қизиқишини ошириш ва истеъдодларини юзага чиқариш мақсадида улар ўртасида “Орол – менинг тақдиримда” мавзусида иншолар танлови  эълон қилинган эди.

Ўтказилган иншолар танлови туманимиз ёшларининг она табиат, атроф-муҳит, юртдошларимиз саломатлиги, Ватан келажаги учун фидойи эканликларини яққол намоён этиб турибди. Улар ўзлари қаламга олган ушбу мавзуда Орол денгизи тарихи, бугунги аянчли аҳволи, унинг инсоният кўз олдида бутунлай қуриб йўқ бўлиб бораётганлиги, табиат ва ҳайвонот оламига салбий таъсирлари ҳақида жон куйдириб, фикр юритган.

Ташкилотимизга ушбу мазмунда келиб тушган иншолар бадиий кенгаш аъзолари томонидан кўриб чиқилиб, ғолиб ва совриндорлар аниқланди. Унга кўра туманимиздаги 73-сонли мактабнинг 10-синф ўқувчиси Соҳиба Собирова “Энг яхши, таҳлилий фикрлари учун” 1-ўринга, 69-сонли мактабнинг 9-синф ўқувчиси Сарвиноз Ярашбоева “Энг яхши эзгулик тарғиботчилиги учун” 2-ўринга, 36-сонли мактабнинг 9-синф ўқувчиси Жавлонбек Ўрозалиев “Мавзуга оид энг ёрқин фикрлари учун” 3-ўринга муносиб деб топилдилар.

Шунингдек, 73-сонли мактабнинг 11-синф ўқувчиси Р.Мадраҳимова, 10-синф ўқувчиси Г.Гулимматова, 11-синф ўқувчиси К.Гулимматова, 10-синф ўқувчиси С.Зарипова, 69-сонли 7-синф ўқувчиси Д.Эркинбоев, 8-синф ўқувчиси З.Бозорбоева, 9-синф ўқувчиси К.Мадраҳимова, 11-синф ўқувчиси Д.Раҳимбоева, 24-сонли мактабнинг 8-синф ўқувчиси А.Солийбоева, 84-сонли мактабнинг 11-синф ўқувчиси С.Усмонова, 32-сонли мактабнинг 7-синф ўқувчиси Ш.Саъдуллаева 13-сонли мактабнинг 10-синф ўқувчиси С.Холбоева, 83-сонли мактабнинг 10-синф ўқувчиси М.Йўлдошева, 39-сонли мактабнинг 10-синф ўқувчиси С.Бозорбоевалар “Энг яхши самимий фикрлари учун” совриндорлар сафидан жой олдилар.

Ғолиб ва совриндорларга “Жайхун илҳомлари” ННТ томонидан тайёрланган совғалар ва мақтов ёрлиқлари топширилди.

Ўрозали РЕЙИМОВ.