МАКТАБИМ – ФАХРИМ
Ҳар бир инсон ҳаётда яшар экан, севимли бир касбнинг эгаси бўлиб, шу касби орқали камол топади. Мен ўқитувчиман. Касбимни жуда яхши кўраман. Бу касб инсондан фидойиликни, жонкуярликни талаб қилади. Албатта, бундай ўқитувчи бўлиш учун эса сизга яхши бир жамоа, барча шарт-шароитларга эга муассаса керак бўлади. Сизни қўллаб-қувватловчи раҳбарлар бўлса-ку, нур устига аъло нур…
Мен ана шундай фахрланишга ва мақташга арзигулик намунали илм даргоҳларидан бири бўлган 55-сонли мактабда ўқувчиларга таълим бераман.
Ушбу мактаб 2008 йилда ишга туширилган. Мактаб директорининг талаби ва ўқувчилар контингентининг кўплиги боис, мактаб кенгайтирилиб, 2022 йилда 330 ўринли қўшимча бино қуриб берилди. Эндиликда, мактаб қуввати 960 ўқувчи ўрнига етди. Мактабда барча фанлар бўйича ўқув-машғулот хоналари, спорт зали, ошхона, кутубхона ва тантаналар зали мавжуд.
2021-2022 ўқув йилида 83 нафар ўқувчи 11-синфни битирган бўлса, шундан 26 нафари олий таълим муассасасига, 8 нафари техникум ва коллежларга қабул қилинди.
Ҳозирги кунда мактабимизда 1012 нафар ўқувчи таълим-тарбия олмоқда. Бу ўқувчиларга 80 нафардан ортиқ олий маълумотли ўқитувчилар дарс беришади. Ўқитувчиларнинг 9 нафари олий, 24 нафари биринчи ва 29 нафари иккинчи тоифага эга.
Президентимизнинг 2023 йилга “Инсонга эътибор ва сифатли таълим йили" дея ном бериши биз ўқитувчиларга куч-қувват, шижоат бағишлади. Демак, эндиликда таълимга бўлган эътибор янада юқори поғонага кўтарилади. Шундай экан, биз ўқитувчилар ўз фанимизнинг моҳир билимдони бўлиб, келажак авлодни ҳар томонлама баркамол қилиб тарбияламоғимиз зарур. Бунинг учун эса ўз устимизда тинимсиз изланишдан тўхтамаслигимиз керак.
Мен талабчан раҳбар ва ҳар бир ишда якдил бўлган жамоа билан бирга ишлаётганимдан фахрланаман. Чунки талабчанлик бор жойда тартиб-интизом, тартиб-интизом бор жойда муваффақият, бирдамлик бор жойда юксалиш бўлади.
Шаҳло Раҳимбоева,
55-сонли мактаб ўқитувчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
