Амударё тумани ҳокими Султонбой Йўлдашевнинг 1 июнь – Халқаро болаларни ҳимоя қилиш куни муносабати билан байрам табриги
Азиз ва қадрли болажонлар!
Авваламбор Сизларни, сизнинг тимсолингизда бутун мамлакатимиз болаларини 1 июнь – Халқаро болаларни ҳимоя қилиш куни муносабати билан чин қалбимдан табриклайман!
Ушбу сана бутун дунёда ҳар йили кенг нишонланиши бежиз эмас. Сабаби, болалар – бизнинг нурли келажагимиз, эзгу ишларимиз ва ҳаётимизнинг давомчилари, эртанги кунимиз ва истиқболимиз эгаларидир.
Халқимиз азал азалдан болажон миллат сифатида эътироф этиб келинади. Янги Ўзбекистонимизда болаларга эътибор давлат сиёсати даражасига кўтарилгани ҳам мана шу инсоний фазилатнинг ҳаётий ифодасидир.
Болаларни асраб-авайлаш, ҳар томонлама баркамол қилиб вояга етказиш нафақат оила ва жамиятнинг, балки давлатимизнинг ҳам асосий бурчига айланган. Зеро, Президентимиз айтганларидек, “Биз учун жамиятда бегона бола йўқ ва бўлмаслиги керак. Ҳаммаси ўзимизнинг, Ўзбекистони-мизнинг болалари. Вақтида меҳр кўрсатсак, ишга, илмга, касбу ҳунарга, эзгу фазилатларга ўргатсак, уларнинг йўлини очиб берсак, эртага фойдаси ўзимизга, жамиятимизга тегади”.
Бугун Янги Ўзбекистонимизнинг бахтли болажонлари мана шундай меҳр-муҳаббат, ғамхўрликлар оғушида ўсиб-улғаймоқда, камолга етмоқда.
Азиз ота-оналар, қадрли болажонлар!
Маълумки, ушбу санани нишонлашдан мақсад – давлатлар ва ҳукуматлар, кенг жамоатчилик диққатини болалар ҳуқуқларини ҳимоя қилишга қаратишдир. Зеро, бугунги кунда дунё бўйлаб болаларнинг соғлом бўлиб улғайиши ва сифатли таълим олишига камбағаллик, очлик, турли иқтисодий ва сиёсий инқирозлар таъсир ўтказмоқда. Тўйиб овқатланмайдиган, мажбурий меҳнатга жалб қилинаётган миллионлаб болалар бор.
Мамлакатимизда эса болажонларимиз учун барча шароитлар яратилган. Жумладан, оналарнинг саломатлигини муҳофаза қилиш, соғлом фарзанд дунёга келиши учун шароит яратиш, янги туғилган чақалоқларни турли касаллик ва инфекцияларга қарши бепул эмлаш амалиётга жорий қилинган. Замонавий услубларда қурилган ва жиҳозланган мактабгача таълим ташкилотлари ва мактаблар, спорт-соғломлаштириш муассасалари эса болажонларимизнинг чуқур билим олиб, истеъдодларини юзага чиқаришга хизмат қилмоқда. Кейинги йилларда мактабгача таълим ташкилотларида болаларни соғлом овқатлантиришга эътибор қаратилиб, мактабларда бепул овқатлантириш тизими йўлга қўйилди.
Юртимизда бола ҳуқуқларини ҳимоя қилишга оид миллий қонунчилик базаси яратилган. Янгиланган Конституциямизда алоҳида боб “Оила, болалар ва ёшлар” деб номлангани ҳам болаларга қаратилаётган эътиборнинг намунасидир.
Қадрли ота-оналар!
Фурсатдан фойдаланиб, мустақил Ватанимизнинг нурли келажагини барпо қилувчи баркамол авлодни тарбиялашга қўшаётган ҳиссангиз учун барчангизга чуқур миннатдорчилик билдираман! Ишонамизки, оила, маҳалла, жамият ва давлатнинг баргаликдаги ғамхўрлиги натижасида болажонларимиз жисмонан ва маънан баркамол инсонлар бўлиб вояга етишади.
Азиз болажонлар!
Бугунги байрам кайфияти сабаб Сизларнинг беғубор кулгуларингиз, гулгун чеҳраларингиздаги қувонч, кўзларингизда чарақлаб турган бахтиёрлик нурлари, биз катталар кўнглида ҳам кўтаринкилик пайдо қилмоқда. Сизлар озод ва обод Ватанимизнинг таянчи, буюк келажагимизнинг бунёдкорисиз! Келгусида замон талабларига жавоб берадиган мактабгача таълим ташкилотлари ва мактабларда, олий ўқув юртларида таълим олиб, илм-фан ва касб-ҳунар сирларини пухта эгаллаб, ота-онангиз, жамиятимиз ва давлатимизга садоқат билан хизмат қиладиган йигит-қизлар бўлиб етишишингизга ишонамиз!
Фурсатдан фойдаланиб, яна бир бора оилаларимиз қувончи, миллатимиз давомчилари, буюк келажагимиз ворислари бўлган азиз фарзандларимизни Халқаро болаларни ҳимоя қилиш куни билан чин қалбдан самимий муборакбод этаман!
Байрамингиз муборак бўлсин, азиз болажонлар!
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
