Туман СЭО ва ЖС бўлимида амалга оширилаётган ишлар бўйича медиа-тур ташкил этилди
Қорақалпоғистон Республикаси Санитария-эпидемиологик осойишталик ва жамоат саломатлиги бошқармаси томонидан бошқарманинг туман бўлимида амалга оширилаётган ишларга доир медиа-тур ташкил этилди.
1 август куни тумандаги оммавий ахборот воситалари вакиллари, тегишли ташкилотлар ҳамда туман Санитария-эпидемиологик осойишталик ва жамоат саломатлиги бўлими ходимлари иштирокида ўтган мазкур тадбирда туман ҳудудидаги санитария-эпидемиологик осойишталикни таъминлаш борасидаги ишлар ҳақида кенг турда маълумотлар берилди.
Тадбирда Беруний номли маҳалладаги аҳоли хонадонлари, кўчаларнинг санитария-гигиеник ҳолати кўздан кечирилди. Фуқароларга тандир ва ўчоқларни ҳожатхонага яқин қурмаслик, ахлатларни тўғри келган жойга ташламаслик, мева-сабзавотларни ювмасдан ишлатмаслик, қайнамаган сувни истеъмол қилмаслик кераклиги тушунтирилди. Уларга ёз-куз ойларида тарқаладиган юқумли ва паразитар касалликлар ҳақида маълумотлар ҳам бериб ўтилди.
Тадбир иштирокчилари Олмазор маҳалласидаги кўнгил очар жойларда, озиқ-овқат маҳсулотлари дўконлари ва умумий овқатланиш ўринларидаги санитария ҳолатларини кўздан кечиришди. Ойбек номли маҳаллада эса 6-сонли мактабгача таълим ташкилотида бўлиб, кичкинтойлар учун яратилган шарт-шароитлар, ювиниш жойларидаги, ошхонадаги тозалик ва озиқ-овқат маҳсулотларининг сақланиш ҳолатларини кўриб чиқишди.
Таъкидлаш жоизки, аҳолининг санитария-эпидемиологик осойишталиги билан боғлиқ муаммоли масалаларни ҳал этишнинг янгича “Маҳаллабай” ишлаш тизими ташкил этилган. Санитария-эпидемиологик осойишталик ва жамоат саломатлиги бўлимининг мутахассисларидан тузилган ишчи гуруҳ вакиллари аҳоли орасида тарғибот-тушунтириш ишларини олиб бориб, турли касалликлар тарқалашининг олдини олишмоқда.
Мутахассислар тарғибот-ташвиқот ишлари давомида мавсумий касалликлар, ўткир юқумли ошқозон-ичак касалликлари, ботулизм ва бошқа турдаги овқатдан заҳарланишлар, вирусли гепатитлар, ўта хавфли юқумли ва паразитар-гижжа касалликларининг профилактикаси, ичимлик сувига қўйиладиган гигиеник талаблар тўғрисидаги тарқатма материалларни фуқароларга эслатма тарзида бериб чиқишмоқда.
Медиа-тур иштирокчилари Амударё тумани Санитария-эпидемиологик осойишгалик ва жамоат саломатлиги бўлимига қарашли лабораторияларида ҳам бўлишди. У ердаги иш жараёни, текширишга олинган намуналар таҳлили ҳамда бўлим томонидан аҳолини юқумли касалликларга қарши эмлашдаги иммунопрофилактиканинг бориши борасидаги ишлар билан ҳам яқиндан танишдилар.
Тадбир якунида туман Санитария-эпидемиологик осойишталик ва жамоат саломатлиги бўлими бошлиғи Гулмурод Бекиев ҳудудда санитария-эпидемиологик осойишталикни таъминлаш билан бирга соҳада ёш кадрларнинг мутахассислик бўйича бандлигини таъминлашга алоҳида эътибор қаратилаётгани, шунингдек, уларнинг малакасини ошириш ва ўқиш билан амалиётни бирга олиб боришига шароит яратиб берилаётгани ҳақида ҳам маълумотлар берди. Шунингдек, ёш мутахассисларни “Устоз-шогирд анъанаси”га асосланган ҳолда кўп йиллик тажрибага эга бўлган олий тоифали мутахассисларга бириктириб, уларга аҳолининг санитария-эпидемиологик осойишталигини таъминлашда соҳага оид бўлган қонунлар, қарор ва санитария-қоида нормалари ҳужжатлари асосида иш юритиш бўйича кўникмалар берилаётганини таъкидлаб ўтди.
Медиа-турда иштирокчиларни қизиқтирган саволларга ҳам атрофлича, батафсил жавоблар берилди. Тадбирга ташриф буюрганлар бўлим томонидан амалга оширилаётган ишлар билан яқиндан танишиб, соҳага оид маълумотларга эга бўлдилар.
Т.Бабаниязов, туман СЭО ва ЖС бўлими санитария-шифокори.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
