Халқ депутатлари Амударё туман Кенгашининг навбатдан ташқари 64-сессияси тўғрисида ахборот
2023 йил 12 сентябрь куни Амударё тумани ҳокимлигининг мажлислар залида Халқ депутатлари туман Кенгашининг навбатдан ташқари 64-сессияси бўлиб ўтди.
Сессияни Халқ депутатлари туман Кенгаши депутати Мақсуд Садуллаев очди ва олиб борди. Сессия котиблигига 12-Арнабўйи сайлов округидан депутат Мансур Ўразбоев сайланди.
Сессияда Қорақалпоғистон Республикаси Жўқорғи Кенгеси Раиси Аманбай Оринбаев, Жўқорғи Кенгес ва туман Кенгаши депутатлари, ҳоким ўринбосарлари, ҳокимлик масъул ходимлари, бўлимлар, ташкилотлар раҳбарлари, фуқаролар йиғинлари раислари ҳамда оммавий ахборот воситалари вакиллари иштирок этди.
Сессияда ташкилий масала – Амударё тумани ҳокимини тайинлаш масаласи кўрилди.
Қорақалпоғистон Республикаси Жўқорғи Кенгесининг Раиси Аманбай Оринбаев сўзга чиқиб, Амударё туманининг иқтисодий салоҳияти улкан, Қорақалпоғистонда тутган ўрни алоҳида эканлигини таъкидлади. Туман қишлоқ хўжалиги соҳасида нафақат Қорақалпоғистонда, балки Ўзбекистон миқёсида ҳам илғорлар қаторида туриши алоҳида эътироф этилди. Кейинги йилларда туманда аҳолининг турмуш даражасини янада яхшилаш, камбағалликни қисқартириш, тадбиркорликни ривожлантириш, ижтимоий инфратузилмани яхшилаш бўйича қатор амалий ишлар қилинаётган қайд қилинди.
Депутатларга “Хўжаметов Сабир Жаббарбергановични Амударё тумани ҳокими вазифасини бажарувчи этиб тайинлаш тўғрисида”ги Қорақалпоғистон Республикаси Жўқорғи Кенгеси Раисининг 2023 йил 12 сентябрь кунги фармойиши ўқиб эшиттирилди.
Хўжаметов Сабир Жаббарберганович 1976 йилда Амударё туманида туғилган. Миллати – ўзбек. Маълумоти – олий. 1998 йилда Нукус давлат университетини тамомлаган. Маълумоти бўйича мутахассислиги – олим-агроном.
Меҳнат фаолиятини 1998 йилда тумандаги “Тўлқин” хўжалиги биолабораторияси мудири вазифасида ишлашдан бошлаган. 2002-2004 йилларда “Тўлқин” муқобил машина-трактор парки бош ҳосилоти, 2004-2007 йилларда туман Қишлоқ ва сув хўжалиги бўлими бошлиғи, 2007-2010 йилларда Қорақалпоғистон Республикаси Ўсимликларни ҳимоя қилиш маркази директори лавозимларида ишлаган. 2010-2016 йилларда Қорақалпоғистон Республикаси Қишлоқ ва сув хўжалиги вазирининг биринчи ўринбосари, кейинчалик Қорақалпоғистон Республикаси Қишлоқ ва сув хўжалиги вазири вазифасини вақтинча бажарувчи сифатида фаолият юритган.
Сабир Хўжаметов 2016-2018 йилларда Қорақалпоғистон Республикаси Вазирлар Кенгаши Раисининг қишлоқ ва сув хўжалиги масалалари бўйича ўринбосари, кейинчалик Қишлоқ ва сув хўжалиги вазири лавозимларида ишлаган. 2018-2021 йилларда фаолиятини Қорақалпоғистон Республикаси Вазирлар Кенгаши Раисининг қишлоқ ва сув хўжалиги масалалари бўйича ўринбосари вазифасида давом эттирган. 2023 йилдан бошлаб эса Қорақалпоғистон Республикаси Жўқорғи Кенгесининг Аграр, сув хўжалиги, табиатни муҳофаза қилиш ва экология масалалари қўмитасида фаолият юритиб келаётган эди.
Кун тартибидаги масала юзасидан Қорақалпоғистон Республикаси Вазирлар Кенгаши Раисининг ўринбосари – Оила ва хотин-қизлар қўмитаси раиси, туман Кенгаши депутати Марям Аҳмедова, туман Кенгаши депутати Баҳромбой Қодиров, меҳнат фахрийси Бекман Алламбергановлар сўзга чиқиб, номзод ҳақида ўз фикрларини билдирдилар ва унинг келгуси ишларига омад тиладилар.
Кун тартибидаги масала бўйича туман Кенгашининг тегишли қарори қабул қилинди. Шунинг билан сессия ўз ишини якунлади.
Туман ҳокимлигининг Ахборот хизмати
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
