ТУМАН ҲОКИМЛИГИНИНГ БОШҚАРУВ ХОДИМЛАРИ УЧУН ЭКСПРЕСС-ТРЕНИНГ ТАШКИЛ ЭТИЛДИ
Ўзбекистон Республикаси Президенти ҳузуридаги Давлат хизматини ривожлантириш агентлиги Қорақалпоғистон Республикаси филиали томонидан Амударё туман ҳокимлигида икки кунлик экспресс-тренинг ташкил этилди.
22-23 сентябрь кунлари давомида бўлиб ўтган мазкур экспресс-тренингда Амударё тумани ҳокими Собир Хўжаметов, Давлат хизматини ривожлантириш агентлиги филиали раҳбар ўринбосари Адилбек Реимбаев, ҳокимлик тизими бошқарув ходимлари ҳамда сектор раҳбарлари, котиблари иштирок этишди. Шунингдек, туман ҳокими ўринбосарлари, ҳокимлик бошқарув аппарати ходимлари ва мутасадди ташкилотлар раҳбарлари ҳам қатнашишди.
Тренингда масъул раҳбарларнинг фаолиятни тизимли ташкил қилиш ва натижадорликни ошириш, аҳоли билан тезкор ишлаш, ҳудудни ижтимоий-иқтисодий ривожлантириш, самарали жамоани шакллантириш юзасидан кўникмаларини мустаҳкамлаш масалаларига алоҳида эътибор қаратилди. Кун тартибидаги масалага кўра сектор раҳбарлари фаолияти самарадорлигини баҳолаш механизми, вазифалар, режа ва амалдаги кўрсаткичлар бўйича маълумотларнинг шаклланиши, шунингдек, туман ҳокими ўринбосарлари фаолиятини энг муҳим самарадорлик кўрсаткичлари асосида баҳолаш тартиби ҳам тушунтирилди.
Шунингдек, 2023 йилнинг биринчи ярим йиллик натижалари муҳокама қилиниб, сектор раҳбарлари фаолияти самарадорлигини баҳолаш кўрсаткичлари, натижаларни ҳисобга олиш ва баҳолашнинг асосий мезонлари, ҳоким ёрдамчиси, ёшлар етакчиси ва хотин-қизлар фаоли билан ҳамкорликни, фаолиятни ташкил этишда натижадорликка эришишга хизмат қиладиган таклиф ва тавсиялар берилди.
Ўқув семинарида Конституция, “2022-2026 йилларга мўлжалланган Янги Ўзбекистоннинг тараққиёт стратегияси”да маҳаллий ҳокимликлар учун белгиланган устувор вазифалар, давлат фуқаролик хизмати, одоб-аҳлоқ қоидалари кенг тушунтирилди. Мурожаатлар билан ишлаш, ижро интизоми, аҳоли бандлигини таъминлаш ва камбағалликни қисқартириш, туманнинг инвестиция салоҳиятини ошириш кабилар борасидаги самарали чора-тадбирлар ҳақида сўз юритилди. Ундан ташқари, соғлом турмуш тарзига амал қилиш, қурилиш, муҳандислик-коммуникация ва ишлаб чиқариш инфратузилмасини жадал ривожлантириш каби мавзулар бўйича маърузалар қилинди.
Тренинг давомида самарали бошқарув қарорларини қабул қилиш, жамоавий ҳаракат қилиш, жамоада соғлом муҳитни таъминлаш, меҳнат фаолияти самарадорлигини ошириш каби масалаларга ҳам алоҳида эътибор қаратилди. Меҳнат қонунчилиги бўйича кенг тушунчалар берилиб, ҳуқуқий билимлари оширилди.
Кўргазмали слайдлар орқали ўтказилган “Муаммоларни ечишда ижодий, яъни креатив ёндашув маҳорати” ҳамда "Тайм-менежмент, вақтдан самарали фойдаланиш" мавзуларидаги тақдимотларда иш жараёнида ижодий фикрлаш кўникмасини қўллаш, уни ривожлантириш, вақтни бошқариш кабилар амалий мисоллар билан кўрсатиб берилди. Интерфаол ўйинлар, махсус машқлар орқали семинар иштирокчиларининг ижодий имкониятларини очишга эътибор қаратилиб, уларни намоён этишга ҳаракат қилинди.
Машғулотлар давомида семинар иштирокчиларини қизиқтирган саволларга батафсил жавоблар берилиб, уларнинг фикр-мулоҳазалари, таклифлари тингланди.
Ушбу қисқа муддатли экспресс-тренинг раҳбар кадрларнинг самарали бошқарув бўйича замонавий билим ва кўникмаларга эга бўлишини таъминлаб, ташкилотчилик, етакчилик қобилиятларини мустаҳкамлаш билан бирга уларнинг касбий маҳоратини янада оширишда муҳим аҳамият касб этди.
Озода Худойберганова
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
