ФАНЛАР ОЛИМПИАДАСИНИНГ ТУМАН БОСҚИЧИ ЎТКАЗИЛМОҚДА
2023 йил 9 сентябрь куни Ўзбекистон Республикаси Вазирлар Маҳкамасининг “Иқтидорли ўқувчилар ўртасида фан олимпиадаларини ўтказиш тизимини такомиллаштириш ҳамда хорижий тилларни ўқитиш бўйича энг яхши мактабни аниқлаш тизимини жорий этиш тўғрисида”ги Қарори қабул қилинган эди. Қарорга кўра, умумий ўрта таълим мактаблари, академик лицей ва касб-ҳунар мактаблари ўқувчилари ўртасида фан олимпиадаларини ташкил этиш, ўтказиш ҳамда халқаро олимпиадалар иштирокчиларини саралаш ва ғолибларни рағбатлантириш назарда тутилган.
17 октябрь куни Амударё туманидаги 40-сонли мактаб биносида тумандаги умумтаълим мактаблари ўқувчилари ўртасида фанлар олимпиадасининг туман босқичи очилиш маросими бўлиб ўтди. Унда олимпиаданинг қуйи босқичларидан муваффақиятли ўтган 85та мактаб ҳамда 2та касб-ҳунар мактабининг жами 2минг 600 нафар ўқувчилари ғолиблик учун беллашдилар.
Умумтаълим мактабларида таълим олаётган ўқувчиларнинг билимини баҳолашда фанлар олимпиадаси муҳим ўрин тутади. Жорий йилда ҳам мазкур тадбирни юксак ташкилотчилик асосида ўтказишга алоҳида эътибор қаратилмоқда.
Ўқувчилар 16та фан, жумладан тарих, география, қозоқ тили, қорақалпоқ тили, инглиз, француз, немис, кимё, рус тили, биология, информатика, физика, математика, она тили фанларидан ўз билимларини синовдан ўтказдилар.
Мазкур фан олимпиадасининг ҳаққоний ва адолатли ўтишини таъминлаш мақсадида Қорақалпоғистон Республикаси Мактабгача ва мактаб таълими вазирлиги буйруғи асосида ҳудудларга масъуллар бириктирилди. Амударё туманига бириктирилган Республика методика маркази методистлари Минайхан Эржанова, Фазилат Зарипова ҳамда туман Мактабгача ва мактаб таълими бўлимининг маъсул ходимлари 200 нафарга яқин ҳакамлар ҳайъати аъзолари билан биргаликда фанлар олимпиадасининг туман босқичини кузатиб, баҳолаб бордилар.
Фанлар олимпиадасида таълим муассасаларида ўқувчилар хавфсизлигини таъминлаш, саломатлигини муҳофаза қилиш мақсадида тегишли ташкилотлар билан ҳамкорликда барча шарт-шароит яратилди. Ҳар бир аудиторияга назоратчилар бириктирилди.
Айтиш жоизки, бугунги кунда юртбошимиз томонидан ёшларга кенг имкониятлар яратиб берилмоқда. Ушбу яратиб берилаётган имкониятларга жавобан ёшларимиз ҳам турли соҳаларда ўзларининг фаолликларини кўрсатиб келишмоқда.
Маълумот ўрнида айтиш керакки, туманимизда 85та умумтаълим мактаблари фаолият кўрсатмоқда. Уларда таълим олаётган ўқувчилар сони 38минг 476 нафарни ташкил қилиб, 4 минг 64 нафар ўқитувчилар ёшларга таълим-тарбия бериб келмоқда.
Республика бюджетидан қўшимча ажратиладиган маблағлар ҳисобидан 6та умумтаълим мактабида 17,2 млрд. сўмлик қурилиш таъмирлаш ишлари олиб борилди. Корея Республикасининг Эксимбанк грантлари ҳисобидан 6та умумтаълим мактабига 96 дона, Вазирлар Маҳкамасининг 2021 йил 29 ноябрдаги Қарори асосида 17та мактабга 176 дона замонавий компьютер жамланмалари етказиб берилди. Яратилаётган бу каби шароитлар ўқувчиларни илм-фан сирларини янада чуқур ўрганиб, Ватанимиз тараққиётига муносиб ҳисса қўшадиган кадрлар бўлиб етишишга даъват қилиши табиий.
5 кун давом этадиган фанлар олимпиадасининг туман босқичи якунларига кўра 144 нафар ғолиблар ва 2-3-ўринлар соҳиблари аниқланиб, Қорақалпоғистон Республикаси босқичига йўлланмани қўлга киритади ҳамда туман Мактабгача ва мактаб таълими бўлими томонидан эсдалик совғалари ва диплом билан тақдирланади.
Туман ҳокимлиги Ахборот хизмати
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
