Халқ депутатлари Амударё туман Кенгашининг 66-сессияси тўғрисида ахборот

2023 йил 10 ноябрь куни Амударё тумани ҳокимлигининг мажлислар залида Халқ депутатлари туман Кенгашининг навбатдаги – 66-сессияси бўлиб ўтди.

Сессияни Халқ депутатлари туман Кенгаши раисининг ўринбосари Ғуломжон Эшниёзов очди ва олиб борди. Сессия котиблигига 29-Қангли сайлов округидан депутат Замира Сафарова сайланди.

Сессияда депутатлар, туман ҳокими ўринбосарлари, ҳокимлик масъул ходимлари, бўлимлар, ташкилотлар раҳбарлари ҳамда оммавий ахборот воситалари вакиллари иштирок этди.

Сессияда дастлаб Жиноят ишлари бўйича туман суди томонидан 2023 йилнинг 9 ойи давомида одил судловни амалга ошириш бўйича қилинган ишлар ҳақида суд раиси Асқар Сафаров ҳисобот берди.

Ҳисоботда таъкидланганидек, 2023 йилнинг 9 ойи давомида мазкур суднинг иш юритувига 153 нафар шахсга нисбатан 109 та жиноят иши келиб тушган. Шундан, 142 нафар шахсга нисбатан 107 та жиноят иши кўриб тамомланган бўлса, 15 нафар шахсга нисбатан 13 иш жиноят ишлари тегишлилигига кўра бошқа судга юборилган.

Сессияда туман прокуратураси томонидан жорий йилнинг 10 ойи давомида қонунийликни мустаҳкамлаш, фуқароларнинг ҳуқуқ ва эркинликларини ҳимоя қилиш, жиноятчиликка қарши курашиш ҳамда ҳуқубузарликларнинг олдини олиш борасидаги ишлар тўғрисида туман прокурорининг катта ёрдамчиси Шарияр Жолдасбаев ҳисобот берди.

Ҳисоботда қайт этилганидек, жорий йилнинг 10 ойи давомида 106та назорат тадбирлари ўтказилиб, қонунчилик талабларига зид бўлган ҳужжатларга нисбатан 176та протестлар келтирилган. Қонунбузилиши ҳолатларини бартараф этиш ҳақида 49та тақдимномалар киритилган. Шунингдек 157 нафар мансабдор шахс интизомий ва маъмурий жавобгарликка тортилган ҳамда қўпол қонунбузилиши ҳолатлари юзасидан 5та жиноят ишлари қўзғатилиб, 348 нафар шахснинг бузилган ҳуқуқлари тикланган. Ҳуқуқбузарликлар натижасида етказилган 1 млрд 452 млн 212 минг сўм зарар ихтиёрий равишда қопланган.

Бундан ташқари 55та тадбиркорлик субъектларига амалий ёрдамлар кўрсатилиб, шундан 2тасига табиий газ тармоғига, 2тасига ичимлик сув тармоғига, 17тасига электр тармоғига уланишида, 15тасига тумандаги тижорат банкларидан жами 10 млрд. 634 млн. сўм кредит маблағлари ажратилишида, 3та тадбиркорга бино ажратилишида, 4 тасига бошқа масалаларда ёрдам кўрсатилган. Натижада 12та тадбиркорлик субъекти янгидан ташкил қилинишига ва 76та янги иш ўринлари яратилишига кўмаклашилган.

Сессия ишида туман ҳокимининг биринчи ўринбосари Комилжон Айтбаев “Саховат ва кўмак” жамғармаси маблағлари ҳисобидан эҳтиёжманд оилаларга маблағ ажратиб бериш бўйича таклиф берди. Сектор аъзолари томонидан уйма-уй юриш натижаси ва сектор раҳбарларининг тавсиясига асосан боқувчисини йўқотган, якка-ёлғиз, I ва II гуруҳ ногиронлиги бор аъзолари бўлган, меҳнатга лаёқатли ишсиз аъзолари бўлган, кўп фарзандли ҳамда тиббий ёрдамга муҳтож эҳтиёжманд оилаларга “Саховат ва кўмак” жамғармаси томонидан маблағ ажратиш бериш таклифи депутатлар томонидан маъқулланди.

Шундан кейин туман Молия бўлими бошлиғи Жавлон Жумамуратов маҳаллий бюджет маблағлари ҳисобидан ажратиладиган маблағларнинг сарфланишини назорат қилиш ва бу борада очиқликни таъминлаш масаласида ҳисобот берди.

Ҳисоботда туман маҳаллий бюджетининг даромадлар қисми аниқланган режа прогнози 57 млрд 830 млн 871 минг сўмга белгиланган бўлиб, амалда 66 млрд 139 млн 136 минг сўмга яъни 114,4 фоизга, ёки режага нисбатан 8 млрд 308 млн 265 минг сўмга ортиғи билан бажарилишига эришилган. Ушбу кўрсатгич биринчи чоракда жами 3 млрд 742 млн 300 минг, иккинчи чоракда жами 2 млрд 47 млн 700 минг, учинчи чоракда эса жами 2 млрд 517 млн 600 минг сўмни ташкил қилади.

Сессияда туман Халқ қабулхонаси мудири Эркин Ражабов аҳолидан келиб тушаётган мурожаатларни таҳлил қилган ҳолда, ҳоким ёрдамчилари фаолиятининг натижадорлигини ўрганиш якунлари тўғрисидаги масала юзасидан ахборот берди.

Ахборотда таъкидланганидек, Ўзбекистон Республикаси Президентининг Виртуал қабулхонасига 2023 йил 31 октябрь санасига қадар туман аҳолиси томонидан жами 3 минг 755та масалалар бўйича мурожаатлар келиб тушган. Шундан 2 минг 810таси қаноатлантирилган, 1 минг 546таси ижобий ҳал қилинган.

Сессияда Кенгаш ваколатига кирувчи бошқа масалалар ҳам муҳокама қилинди. Кун тартибидаги барча масалалар атрофлича кўриб чиқилиб, туман Кенгашининг тегишли қарорлари қабул қилинди.

Шунинг билан сессия ўз ишини якунлади.

Туман ҳокимлиги Ахборот хизмати