ЯНГИЛАНГАН КОНСТИТУЦИЯ ВА “ЎЗБЕКИСТОН – 2030” СТРАТЕГИЯСИ МАЗМУН-МОҲИЯТИ ТУШУНТИРИЛДИ

Навоий номли маҳалла фуқаролар йиғини биносида Президентимизнинг жорий йил 11 сентябрдаги Фармони билан тасдиқланган “Ўзбекистон – 2030” стратегиясида белгиланган туб ислоҳотлар ҳамда Янгиланган Конституциямиз мазмун-моҳиятини тушунтиришга бағишланган йиғилиш ўтказилди.

2023 йил 27 ноябрь куни бўлиб ўтган ушбу йиғилишда Навоий номли МФЙ раиси Б.Кадиров, Фуқаролик ишлари бўйича Амударё туман суди масъуллари, маҳалла фаоллари, фуқаролари қатнашишди.

Йиғилишда Ўзбекистонда янгиланган Конституция бўйича ўтказилган умумхалқ референдуми миллий тараққиётимизнинг устувор йўналишларини белгилаб бергани қайд этилди. Асосий қонунимизда миллати, тили ва динидан қатъий назар, барча фуқароларнинг тенглиги, инсон ҳуқуқлари, сўз ва виждон эркинлиги принциплари устувор аҳамият касб этгани хусусида сўз юритилди. Шу ҳуқуқий асосда қабул қилинган “Ўзбекистон – 2030” тараққиёт стратегияси Бирлашган Миллатлар Ташкилотининг Барқарор ривожланиш мақсадларига уйғун эканлиги ҳам эътироф этилди.

Шунингдек, Ўзбекистон — 2030» стратегиясида жами 100 та мақсад, 369 та чора-тадбир, 190 та вазифа, 306 та мақсадли кўрсаткич бажарилиши ва бу борада 118 та норматив-ҳуқуқий ҳужжат ишлаб чиқилиши кўзда тутилгани тўғрисида сўз юритилди. Ушбу дастуриламал ҳужжатнинг ижросидан юртимиздаги ҳар бир инсонга – қулай имконият ва енгилликлар, моддий ва маънавий манфаат етиб, ҳар қайси оила ва хонадонга ободлик, тўкинлик, файз ва барака кириши айтиб ўтилди.
Йиғилиш давомида стратегияда кўрсатилган мақсад ва йўналишлар юзасидан берилган саволларга батафсил жавоблар берилди.

Қ.Атамуродов, Фуқаролик ишлари бўйича Амударё туман суди раиси.