YaNGILANGAN KONSTITUTsIYa VA “OʻZBEKISTON – 2030” STRATEGIYaSI MAZMUN-MOHIYaTI TUShUNTIRILDI

Navoiy nomli mahalla fuqarolar yigʻini binosida Prezidentimizning joriy yil 11-sentyabrdagi Farmoni bilan tasdiqlangan “Oʻzbekiston – 2030” strategiyasida belgilangan tub islohotlar hamda Yangilangan Konstitutsiyamiz mazmun-mohiyatini tushuntirishga bagʻishlangan yigʻilish oʻtkazildi.

2023-yil 27-noyabr kuni boʻlib oʻtgan ushbu yigʻilishda Navoiy nomli MFY raisi B.Kadirov, Fuqarolik ishlari boʻyicha Amudaryo tuman sudi masʼullari, mahalla faollari, fuqarolari qatnashishdi.

Yigʻilishda Oʻzbekistonda yangilangan Konstitutsiya boʻyicha oʻtkazilgan umumxalq referendumi milliy taraqqiyotimizning ustuvor yoʻnalishlarini belgilab bergani qayd etildi. Asosiy qonunimizda millati, tili va dinidan qatʼiy nazar, barcha fuqarolarning tengligi, inson huquqlari, soʻz va vijdon erkinligi printsiplari ustuvor ahamiyat kasb etgani xususida soʻz yuritildi. Shu huquqiy asosda qabul qilingan “Oʻzbekiston – 2030” taraqqiyot strategiyasi Birlashgan Millatlar Tashkilotining Barqaror rivojlanish maqsadlariga uygʻun ekanligi ham eʼtirof etildi.

Shuningdek, Oʻzbekiston — 2030» strategiyasida jami 100 ta maqsad, 369 ta chora-tadbir, 190 ta vazifa, 306 ta maqsadli koʻrsatkich bajarilishi va bu borada 118 ta normativ-huquqiy hujjat ishlab chiqilishi koʻzda tutilgani toʻgʻrisida soʻz yuritildi. Ushbu dasturilamal hujjatning ijrosidan yurtimizdagi har bir insonga – qulay imkoniyat va yengilliklar, moddiy va maʼnaviy manfaat yetib, har qaysi oila va xonadonga obodlik, toʻkinlik, fayz va baraka kirishi aytib oʻtildi.
Yigʻilish davomida strategiyada koʻrsatilgan maqsad va yoʻnalishlar yuzasidan berilgan savollarga batafsil javoblar berildi.

Q.Atamurodov, Fuqarolik ishlari boʻyicha Amudaryo tuman sudi raisi.