Туман ҳокимининг аҳоли билан учрашуви ўтказилди
Мамлакатимизда Президент ташаббуси билан ҳудудларда мутасадди раҳбарларнинг аҳолини қийнаб келаётган муаммоларни жойларга чиқиб ўрганиши ҳамда уларни ижобий ҳал этиши борасида тизимли ишлар йўлга қўйилди.
Бутун мамалакатимиз бўйлаб жойларда турли даражадаги раҳбарларнинг аҳоли билан очиқ мулоқотлари, сайёр қабуллари ташкил этилиб, инсонларнинг муаммолари ўрганилмоқда ҳамда уларни бартараф қилиш чоралари кўрилмоқда.
Амударё тумани ҳокими Собир Хўжаметов, туман Халқ қабулхонаси мудири Эркин Ражабов, туман Мудофаа ишлари бўйича бўлими бошлиғи Шерзод Муродовларнинг туман Мактабгача ва мактаб таълими бўлимига қарашли 55-сонли мактабда Манғит шаҳрининг Ойбек, Гулзор, Олмазор маҳаллалари аҳолиси билан учрашди.
Учрашувда маҳалла фуқаролар йиғинлари раислари, хотин-қизлар фаоллари, ҳоким ёрдамчилари, ёшлар етакчилари, мутасадди ташкилотлар вакиллари иштирок этдилар.
Учрашувда 20 нафардан зиёд фуқаролар иштирок этиб, улар томонидан 10дан зиёд мурожаат ва таклифлар билдирилди. Билдирилган муаммо ва таклифларнинг кўпчилигини иш билан таъминлаш масаласида ёрдам сўраш бўлса, қолганлари тадбиркорлик, электр энергияси, таббий газ, сув таъминоти ва бошқа масалаларни ўзида қамраб олди.
Сайёр қабулда туман ҳокими Собир Хўжаметов сўзга чиқиб, бугунги кунда мамалакатимизда барча соҳаларда амалга оширилаётган ислоҳотлар туб негизида инсон манфаатлари ётгани, аҳолини узоқ йиллар мобайнида қийнаб келаётган муаммоларни жойларга чиқиб ўрганиш ҳамда уларга барҳам бериш борасида давлатимиз раҳбари томонидан янги устувор вазифалар белгилаб берилгани ҳамда уларнинг ижросини таъминлашга туманимизда ҳам алоҳида эътибор қаратилаётгани хусусида батафсил гапирди.
Учрашувда фуқароларнинг айрим мурожаатлари шу ернинг ўзида ҳал этилди. Хусусан, бандлик масаласида мурожаат қилган ёшларга ишга жойлаштириш бўйича учрашувнинг ўзидаёқ йўлланмалар берилди.
Туман Халқ қабулхонаси бўлими бошлиғи Эркин Ражабов бугунги кунда аҳоли турмуш фаровонлигини яхшилаш йўлида қабул қилинаётган қарор ва фармонларнинг мазмум-моҳияти ҳақида тўхталиб ўтди.
Шунингдек, ёшларга ўз йўлларини топишлари учун барча шароитлар яратиб бериш энг асосий вазифа эканлигини таъкидлаб, бу борада амалга оширилаётган ишларга кенг тўхталди.
Учрашувда мутасадди ташкилотлар ходимлари томонидан айрим фуқароларнинг мурожаати бўйича тушунтириш берилган бўлса, қолган масалаларни ҳал қилиш бўйича чора-тадбирлар белгилаб олинди. Ижроси маълум муддат талаб этадиган мурожаатларни имкон қадар ижобий ҳал этиш юзасидан тегишли масъулларга топшириқлар берилиб, аҳоли муаммолари билан ишлашда самарали тизим ҳисобланган “Темир дафтар”, “Аёллар дафтари” ва “Ёшлар дафтари”га киритилган оилалар, фуқаролар билан манзилли ва натижали ишлаш бўйича масъулларга тегишли топшириқлар ҳамда тавсиялар берилди.
Туман бўйлаб ўтказилаётган бу каби сайёр қабуллар давлат органлари ва фуқаролар ўртасида мустаҳкам кўприк бўлибгина қолмасдан, аҳолининг ҳукумат раҳбарларига ва давлат идораларига бўлган ишочининг янада мустаҳкамланишига сабаб бўлмоқда.
Туман ҳокимлиги Ахборот хизмати
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
