ТИРИКЛИКНИНГ ҚАДРИГА ЕТИНГ!
Гиёҳвандлик бутун дунё халқларини ташвишга солаётган долзарб муаммолардан биридир. Чунки гиёҳвандлик воситалари ва психотроп моддалар қабул қилишнинг зарарли оқибатлари бугунги кунда ёш-у қарига бирдек аён. Энг даҳшатлиси, ушбу моддаларни қабул қилган одам бу йўлдан қайтмоғи қийин. Наркотик ва психотрон моддалар истеъмол қилиш жиноятлар содир этилишининг кўпайишига олиб келади. Чунки гиёҳванд бўлиб қолган инсон ушбу моддани мунтазам қабул қилиши учун кўп маблағ топиши лозим бўлади.
Гиёҳванд моддаларни истеъмол қилиш киши меъдаси, жигари фаолиятини ишдан чиқаради, кўриш, эшитиш, таъм билиш, фикрлашдан маҳрум бўлади. Тафаккур қила олмайди, ўзини бошқара олмайди ва жамият учун ҳам, оиласи учун ҳам фойдали иш қила олмайдиган шахсга айланади.
Инсон ҳаётини таназзул сари етаклайдиган зарарли одатлардан бири спиртли ичимлик ичишдир.
Олимларнинг аниқлашларича, саратонни келтириб чиқарувчи омилларнинг кўпчилиги спиртли ичимликда мавжуд экан. Маст бўлгунча ичиш ҳам, мунтазам, яъни ҳар куни оз-оздан ичиш ҳам инсон организмига ҳалокатли таъсир қилар экан.
Спиртли ичимликларнинг салбий оқибатлари ҳақида оммавий ахборот воситаларида, ижтимоий тармоқларда кўп ёзилган ва ёзилмоқда. Ичкилик ичиш натижасида турли кўнгилсизлар содир бўлаётганига ҳаётда ҳаммамиз гувоҳ бўлиб юрибмиз. Бироқ бундан тегишли хулоса чиқарилмаяпти, менимча.
Ўзбекистонда сурункали алкоголизм касаллигига чалинган беморлар беморлар сони тобора ортиб бораётгани фикримиз далилидир.
Жаҳон соғлиқни сақлаш ташкилоти маълумотларига қараганда, инсон саломатлигига салбий таъсир қилувчи асосий 20та хатарли омиллар ичида спиртли ичимлик истеъмоли асосий ўринни тутар экан. Спиртли ичимлик истеъмол қилган одамнинг танасида унинг заҳарли моддалари 3 кунгача сақланиб турар экан, ошқозон яллиғланиши, юрак хасталиклари, хафақон касаллиги айнан ичимлик ичиш оқибатида юзага келади. Энг ачинарлиси, спиртли ичимлик ичган одам ўзини ўзи бошқара олмайди, тўғри фикрлай олмайди, оиласида ва жамоат жойларида ўзини муносиб тута олмайди. Натижада турли низо, уруш-жанжаллар келиб чиқишига сабабчи бўлади.
Кейинги йилларда аёллар орасида ҳам спиртли ичимлик ичиш ҳоллари кўпайиб бормоқда. Бу барчани хушёр тортишга, соғлом турмуш қоидаларини кенгроқ тарғиб этишга чорлайди. Чунки аёл-насллар тарбиячисидир.
Хулоса қилиб айтганда, спиртли ичимлик ичиш туфайли ҳосил бўладиган кайф – ширин ҳаётдан азиз эмас.
Бахтли, соғлом ва фаровон яшашни истаган истаган инсон зоти борки, спиртли ичимлик ичиш, чекиш, гиёҳванд моддалар истеъмол қилиш каби зарарли одатлардан тийилмоғи ва ўз ҳаётини ўзи гўзал, файзли ва мазмунли ўтказишга интилмоғи лозим.
Ойгул РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
