Amudaryo tumanida aholi bandligini taʼminlash hamda kambagʻallikni qisqartirish masalalari boʻyicha seminar boʻlib oʻtdi

Qoraqalpogʻiston Respublikasida 2025-yilda aholi bandligini taʼminlash va kambagʻallikni chiqarish, shuningdek, hududlarni ilgʻor rivojlantirish boʻyicha iqtisodiyot majmuasi tomonidan amalga oshirilgan vazifalar va “drayver” loyihalarni aniqlash hamda Xitoy davlatining 32ta tajribasini joriy etish yuzasidan berilgan topshiriqlar ijrosi mazmun-mohiyatini “Mahalla yettiligi”ga tushuntirish boʻyicha hududlarda oʻquv seminarlar tashkil etilmoqda.

Amudaryo tumani hokimligining majlislar zalida ushbu masalalar yuzasidan seminar boʻlib oʻtdi. Seminarda Markaziy bankning Qoraqalpogʻiston Respublikasi Bosh boshqarmasi masʼullari Abay Faxraddinov, “Ijtimoiy himoya” milliy agentligi Qoraqalpogʻiston Respublikasi boshqarmasi boʻlim boshligʻi Bayram Ilyasov, tuman hokimi oʻrinbosarlari, tijorat banklari, korxona-tashkilotlar rahbarlari, “Mahalla yettiligi” masʼullari ishtirok etdi.

Seminarda kun tartibidagi masala yuzasidan tumanda amalga oshirilgan ishlar atroflicha tahlil etildi. Mavjud muammo va kamchiliklarni bartaraf qilish boʻyicha tegishli koʻrsatmalar, ustuvor vazifalar belgilab berildi.

Jumladan, joriy yilda aholi bandligini taʼminlash va kambagʻallikdan chiqarish boʻyicha tijorat banklari, tuman va har bir mahalla kesimida koʻrsatkichlarni ishlab chiqish zarurligi, bunda aholi bandligini taʼminlash va daromadlarini oshirish boʻyicha rejalarni amalga oshirishning yoʻnalishlari, Xitoy davlatining 32ta tajribasi asosidagi loyihalarni amaliyotda joriy qilish mexanizmlari va moliyaviy instrumentlarini aniq koʻrsatish kerakligi tushuntirildi.

Shuningdek, tumanda investitsiya loyihalarini ishga tushirish hisobiga tadbirkorlik va xizmatlar sohasini rivojlantirish orqali, qolaversa, qishloq xoʻjaligi va qurilish sohalarida aholini daromadli mehnat bilan band qilishning aniq muddatlari va ularga masʼullarni belgilash lozimligi taʼkidlandi.

Qolaversa, tumanning ixtisoslashuvidan kelib chiqib, sanoat, qishloq xoʻjaligi hamda xizmat koʻrsatish sohalarida tadbirkorlikning rivojlanishiga turtki beruvchi 5tadan “drayver” loyihalarni aniqlash, bunda loyihalarning kamida 2tasi saonat yoʻnalishida shakllantirilishiga alohida eʼtibor qaratilishi zarurligii xususida soʻz yuritildi.

Shu bilan birga, oʻquv-seminarda “Mahalla yettiligi” tomonidan mahallalardagi kambagʻal oilalar va ishsizlar roʻyxatini shakllantirish, mehnat migratsiyasidan qaytgan fuqarolarni doimiy ravishda monitoring qilib borilishi kerakligi tushuntirildi hamda ularni daromadli mehnat bilan band qilish boʻyicha amalga oshilishi lozim boʻlgan vazifalar xususida soʻz yuritildi.

Charos Arslonova, tuman hokimligining Axborot xizmati rahbari.