14-sonli maktabda “Buyuklarni yod etib” nomli maʼnaviy-maʼrifiy tadbir bölib ötdi
Har bir xalqning maʼnaviy taraqqiyotida buyuk mutafakkir va adiblarning örni beqiyos. Ularning ijodi, fikrlari va ilmiy qaraşlari asrlar oşa xalq tafakkuri, madaniyati va maʼnaviy taraqqiyotining şakllanişiga xizmat qiladi. Ayniqsa, özbek adabiyotining ikki zabardast namoyandasi – Alişer Navoiy va Zahiriddin Muhammad Bobur ijodi milliy maʼnaviyatimiz xazinasining durdonalaridir. Ularning ijodi va tarixiy faoliyati bugungi kunda ham yoş avlod uçun ibrat va ilhom manbai bölib xizmat qilmoqda.
Har yili mazkur buyuk siymolarning tavallud ayyomiga bağişlab turli maʼnaviy-maʼrifiy tadbirlar ötkaziladi. Bunday tadbirlar yoşlarning milliy qadriyatlarga hurmatini oşiriş, tarixiy şaxslarga bölgan qiziqişini kuçaytiriş, ularda vatanparvarlik va iftixor tuyğularini mustahkamlaşga xizmat qiladi.
Amudaryo tumanidagi 14-sonli maktabda ana şunday adabiyot keçalaridan biri – “Buyuklarni yod etib” nomli maʼnaviy-maʼrifiy tadbir bölib ötdi. Uşbu tadbir maktabning ona tili va adabiyot hamda davlat tili fani öqituvçilari Dilfuza Gaipova, Sadoqat Davletova va Dilnora Safarboyevalar taşabbusi bilan taşkil etildi va yuqori saviyada ötkazildi.
Tadbirda yuqori sinf öquvçilari Alişer Navoiy va Zahiriddin Muhammad Bobur ijodidan namunalarni ifodali tarzda öqişdi. Uşbu şeʼriy çiqişlar orqali yoşlar buyuk adiblarning teran fikrlari va yuksak maʼnoga ega şeʼriyati bilan yanada yaqinroq tanişdilar. Bu buyuk siymolarning ijodi kişiga nafaqat adabiy zavq bağişlaydi, balki inson maʼnaviyatini yuksaltiriş, komil şaxsni tarbiyalaşda ham muhim örin tutadi. Ular qoldirgan maʼnaviy meros Vatanga muhabbat, insoniylik, adolat va bilimga intiliş kabi ezgu fazilatlarni tarğib qiladi.
Tadbirda sözga çiqqanlar buyuk allomalar, adabiyot va sanʼat namoyandalarining ijodini örganiş va tarğib etişga katta eʼtibor qaratilayotgan yurtimizda har yili Alişer Navoiy va Zahiriddin Muhammad Bobur tavalludi keng nişonlanişini, sanalar munosabati bilan xalqaro ilmiy anjumanlar va ijodiy keçalar taşkil etilişini alohida taʼkidladilar. Yurtimizda buyuk mutafakkirlar asarlari qayta naşr etilib, ularni çuqur örganiş va tarğib qiliş maqsadida ilmiy-tadqiqotlar olib borilmoqda. Bundan taşqari, maktab va oliy taʼlim muassasalarida uşbu ijodkorlarning asarlarini örganişga alohida eʼtibor qaratiladi.
Maʼnaviy-maʼrifiy keçada şuningdek, buyuk şoirlar hayoti va ijodiga bağişlangan sahna körinişlari ham namoyiş etildi. Ayniqsa, 6-sinf öquvçilari ijrosida sahnalaştirilgan “Non hidi” asari tomoşabinlarda katta taassurot qoldirdi.
Nafaqat adabiy, balki milliy anʼanalar va madaniyatni özida mujassam etgan musiqiy çiqişlar ham tadbirdan örin oldi. Öquvçilar özbek va qozoq xalqlarining milliy qöşiq-kuylariga hamohang raqslar ijro etib, tadbirga öziga xos jöşqinlik bağişlaşdi.
“Buyuklarni yod etib” tadbiri yoşlarning milliy tarix va adabiyotga bölgan qiziqişini yanada oşiriş, ajdodlar merosini çuqurroq anglaşga çorlaş, ularda maʼnaviy boyliklarga ehtirom uyğotiş borasida muhim ahamiyat kasb etadi.
Bunday tadbirlar nafaqat yoş avlodning badiiy saviyasini oşiriş, balki ularni tarixiy şaxslarga hurmat ruhida tarbiyalaş, özligini anglaş va milliy ğurur tuyğusini kuçaytirişda muhim rol öynaydi.
Şohzod Qurbonboyev
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
