“Korruptsiya - yoşlar kelajagiga tahdid soluvçi illat” mavzusida tadbir bölib ötdi

Korruptsiya jamiyat va davlat rivoji uçun xavfli illat sanaladi. U inson huquqlari, qonun ustuvorligi va kelajak avlodning yoruğ istiqboliga putur yetkazadi. Şu sababli yurtimizda korruptsiyaga qarşi murosasiz va tizimli kuraş olib borilmoqda. Ayniqsa, yoşlarning huquqiy ongi va fuqarolik masʼuliyatini yuksaltiriş, ularni adolatparvarlik va halollik ruhida tarbiyalaş bu borada ustuvor vazifalardan biriga aylangan.

Şu maqsadda Qoraqalpoğiston qişloq xöjaligi va agrotexnologiyalar institutida “Korruptsiya – yoşlar kelajagiga tahdid soluvçi illat” mavzusida maʼnaviy-maʼrifiy tadbir taşkil etildi.

Unda Qoraqalpoğiston Respublikasi Vazirlar Kengaşi huzuridagi Korruptsiyaga qarşi kuraşiş bölimi boşliği B.Matmuratov, Boş prokuratura huzuridagi Iqtisodiy jinoyatlarga qarşi kuraşiş departamenti Qoraqalpoğiston Respublikasi boşqarmasi bölim boşliği R.Sadikov, Qoraqalpoğiston Respublikasi Oliy taʼlim, fan va innovatsiyalar vazirligining Korruptsiyaga qarşi kuraşiş bölimi boşliği M.Xaliyev, institut rektori B.Jollibekov va barça fakultet dekanlari, professor-öqituvçilar, talaba-yoşlar iştirok etdi.

Tadbirni institut rektori B.Jollibekov kiriş sözi bilan oçdi va olib bordi. Öz nutqida u taʼlim sohasida korruptsiyaga mutlaqo yöl qöyib bölmasligi, bu illat xalq farovonligi uçun amalga oşirilayotgan islohotlarning samaradorligiga jiddiy taʼsir körsatişi, davlat va jamiyat taraqqiyotiga tösiq bölişi haqida alohida töxtalib ötdi. Şu munosabat bilan yoş avlod ongida adolat, qonuniylik va halollik tamoyillarini şakllantiriş ustuvor vazifa ekani taʼkidlandi.

– Agar taʼlim tizimida şaffoflik, halollik va adolat printsiplari taʼminlanmasa, kelajakdagi rahbarlar, olimlar, muhandislar, fermerlar va turli sohalardagi mutaxassislar orasidan yuksak maʼnaviyatli, vijdonli insonlar yetişib çiqmaydi, – dedi institut rektori.

Tadbir davomida masʼullar tomonidan korruptsiyaning jamiyat rivojiga körsatayotgan salbiy oqibatlari, davlat boşqaruvi, iqtisodiyot va ijtimoiy hayotga keltirayotgan zararli taʼsiri, aholining davlat organlariga bölgan işonçiga salbiy taʼsir körsatayotgani batafsil tahlil etildi.

Xususan, qişloq xöjaligi sohasi nafaqat iqtisodiyotning asosiy ustuni, balki aholi turmuş darajasi, oziq-ovqat xavfsizligi va mintaqaviy barqarorlikni taʼminlovçi hal qiluvçi tarmoq sifatida alohida örin tutadi. Şu bois, uşbu sohada şaxsiy manfaatlar ustuvorligi, asossiz qarorlar, qonunbuzarlik va masʼuliyatsizlik kabi illatlar keng jamoatçilik işonçiga ham putur yetkazişi, iqtisodiy barqarorlikni izdan çiqarişi mumkinligi taʼkidlandi.

Tadbir davomida yurtimizda korruptsiyaga qarşi şakllantirilgan institutsional tizim, qabul qilingan meʼyoriy-huquqiy hujjatlar, amalga oşirilayotgan profilaktik çora-tadbirlar haqida atrofliça maʼlumot berildi. Sönggi yillarda bu borada Prezident taşabbusi bilan qabul qilingan dasturlar, nazorat tizimlari va jamoatçilik iştirokini taʼminlaşga qaratilgan çoralar natijasida mamlakatimizda fuqarolarning huquqiy ongi oşgani, murojaatlar sonining ösgani va korruptsiyaga nisbatan murosasiz munosabat şakllanayotgani taʼkidlandi.

Aytiş joizki, mazkur uçraşuv Prezident raisligida 2025-yil 5-mart kuni bölib ötgan kengaytirilgan yiğilişda berilgan topşiriqlar ijrosini taʼminlaş doirasida taşkil etildi.

Tadbir talaba-yoşlar bilan oçiq muloqot, hayotiy misollar va tahlillar asosida ötkazilib, ularda huquqiy bilim va faol fuqarolik pozitsiyasini mustahkamlaşga xizmat qildi. Çunki aynan yoşlar — ertangi kunning hal qiluvçi kuçi, mamlakat taqdirini belgilaydigan avloddir.

Şohzod Qurbonboyev.