Amudaryo tumanida Xalqaro bolalarni himoya qilish kuni keng nishonlandi

1-iyun – Xalqaro bolalarni himoya qilish kuni munosabati bilan Amudaryo tumani Istirohat bogʻida katta bayram tadbiri boʻlib oʻtdi.

Bayram tadbirida tuman hokimi Sobir Xoʻjametov ishtirok etib, barcha bolajonlarni ushbu quvonchli kun bilan samimiy tabrikladi. U oʻz tabrigida bolalar kelajagimiz egalari ekani, ularning sogʻlom va baxtli ulgʻayishlari uchun barcha shart-sharoitlar yaratilayotgani xususida soʻz yuritdi.

Taʼkidlanganidek, yurtimizda bolalar manfaatlarini himoya qilish, ularni har tomonlama qoʻllab-quvvatlash davlat siyosatining ustuvor yoʻnalishlaridan biridir. Muhtaram Prezidentimiz rahbarligida olib borilayotgan islohotlar zamirida yosh avlodning baxtli va sogʻlom ulgʻayishini taʼminlash, ularning har tomonlama kamolotini qoʻllab-quvvatlashdek ezgu maqsadlar yotadi. Hududlarda yangidan barpo etilayotgan maktabgacha taʼlim muassasalari, umumtaʼlim maktablari, zamonaviy sport maydonchalari va kutubxonalar farzandlarimizning barkamol avlod boʻlib voyaga yetishlari uchun qaratilayotgan eʼtibor namunasidir.

Bayram tadbiri davomida tumandagi samarali faoliyat olib borayotgan maktabgacha taʼlim tashkilotlari jamoalariga tashakkurnomalar topshirildi. Bu orqali taʼlim-tarbiya muassasalarining bolalar tarbiyasiga qoʻshayotgan hissasi yuksak eʼtirof etildi.

Shuningdek, bolajonlar uchun rang-barang kontsert dasturlari, sahna koʻrinishlari, musiqiy chiqishlar, sport oʻyinlari va ijodiy tanlovlar tashkil etildi. Tumandagi maktabgacha taʼlim tashkilotlari tarbiyalanuvchilari bir-biridan ajoyib quvnoq raqslar, kuy-qoʻshiqlar ijro qildilar. Tuman Madaniyat boʻlimi xonandalari tomonidan kuylangan shoʻx-shodon qoʻshiqlar barchaga yuqori kayfiyat bagʻishladi. Bolalar bayramni katta xursandchilik va quvonch bilan nishonlab, esdalik sovgʻalarga ega boʻlishdi.

Aytish joizki, har yili 1-iyun sanasida dunyo boʻylab Xalqaro bolalarni himoya qilish kuni keng nishonlanadi. Bu sana – insoniyatning eng nozik, eng musaffo qalblari boʻlgan bolalar haqidagi gʻamxoʻrlik, mehr va eʼtibor bayramidir. Bu kun – farzandlarimizning baxtli bolaligi, porloq kelajagi va himoyasi uchun har birimiz masʼul ekanligimizni yana bir bor eslatadi.

Zero, bolalar – millatning kelajagi, har bir xalqning ertangi kundan umidi va tayanchidir. Ularning sogʻlom, bilimli va baxtli boʻlib voyaga yetishlari har qanday jamiyat uchun eng ustuvor vazifadir. Aynan shu sababli, bu muhim sanada nafaqat bayram tadbirlari, balki bolalarning huquqlari, manfaatlari va tarbiyasiga oid masalalarga alohida eʼtibor qaratiladi.

1-iyun sanasi 1950-yildan boshlab rasmiy ravishda Xalqaro bayram sifatida nishonlab kelinadi. Bu tashabbus ilk bor Birlashgan millatlar tashkiloti tomonidan ilgari surilib, butun dunyo mamlakatlariga bolalarni har tomonlama asrab-avaylash, ularni jismoniy va maʼnaviy jihatdan qoʻllab-quvvatlash, bolalarning huquqlarini himoya qilish choralarini koʻrish tavsiya etilgan. Bugungi kunga kelib, butun dunyo boʻylab, jumladan, yurtimizda ham bayram sifatida keng nishonlanadi.

Ushbu sana farzandlarimizning baxtli bolaligi, porloq kelajagi va himoyasi uchun har birimiz masʼul ekanligimizni yana bir bor eslatadi. Bu kunda butun mamlakatimiz boʻylab bayram tadbirlari, kontsertlar, bolalar uchun turli koʻngilochar dasturlar oʻtkaziladi. Bolalar tabassumi, ularning begʻubor quvonchi esa har qanday insonni mehr va ezgulik sari yetaklaydi.

Charos Arslonova, tuman hokimligining Axborot xizmati rahbari.