Mustaqillik bayrami hamda paxta yiğim-terimi mavsumi oldidan nuroniylar uçun dasturxon yozildi

Joriy yilning 31-avgust sanasida Amudaryo tumanida Vatanimiz mustaqilligining 34 yilligi munosabati bilan, şuningdek, paxta yiğim-terimi mavsumi boşlanişi arafasida nuroniy otaxon va onaxonlar uçun bayram dasturxoni yozildi. Uşbu ezgu tadbir “Diamond” restoranida ötkazilib, u samimiyat, mehr-oqibat va duolar bilan iştirokçilarning yodida qoldi.

Tadbirda tuman hokimi Sobir Xöjametov iştirok etib, yiğilganlarni eng uluğ, eng aziz bayram — Mustaqillik kuni bilan tabrikladi. Hokim öz tabrik sözida istiqlol yillarida yurtimiz hayotida erişilgan ulkan özgarişlar, xalqimizning orzu-umidlarini röyobga çiqarayotgan islohotlar haqida söz yuritib, nuroniylarga sihat-salomatlik, bardavom umr va ezgu tilaklarini izhor etdi.

Turli noz-neʼmatlar bilan bezatilgan dasturxon atrofida yiğilgan nuroniylar istiqlolning eng buyuk neʼmat ekanini, mustaqillik tufayli xalqimiz hayoti tubdan yangilanganini, yurtimiz taraqqiyot sari yuksalayotganini taʼkidlab, bugungi dorilomon kunlarga şukronalar keltirdilar.

Darhaqiqat, bugun xalqimiz istiqlol tufayli öz taqdirini özi belgilayotgan, erkin va ozod hayot keçirayotgan millatga aylandi. Mustaqillik bizga eng avvalo milliy qadriyatlarimizni tiklaş, tarixiy xotiramizni qayta jonlantiriş, ezgu orzu-intilişlarimizni amalga oşiriş imkonini berdi. Istiqlol tufayli yurtimizda tinçlik va osoyiştalik qaror topdi, farovon hayot sari yöl oçildi. Muhtaram Prezidentimiz rahnamoligida amalga oşirilayotgan keng qamrovli islohotlar, taʼlim-tarbiya, soğliqni saqlaş, iqtisodiyot, qişloq xöjaligi va boşqa sohalarda erişilayotgan yutuqlar – bularning barçasi mustaqillik tufayli qölga kiritilmoqda.

Yurtimizda hukm surayotgan hamjihatlik va totuvlik nuroniylarimizning dasturxon boşida qilayotgan duolarining ijobati, desak aslo mubolağa bölmaydi. Tadbirga yiğilgan nuroniylar ham avvalo istiqlolimizga abadiylik, yurtimizga tinçlik va osoyiştalik, dasturxonlarimizga tökin-soçinlik, xalqimizga tinçlik-omonlik va davlatimizga yuksak taraqqiyot tilab, duolar qildilar. Qolaversa, “oq oltin” xalqimizning boyligi, mamlakatimizning iqtisodiy barqarorligida muhim örin tutuvçi xom aşyo ekanini taʼkidlab, uni nest-nobud qilmay yiğib-terib olişda hamjihatlik bilan harakat qiliş zarurligini qayd qilgan holda, paxtakor dehqon va fermerlarimizga kuç-ğayrat, şijoat, işlariga samara tilab, duoga qöl oçdilar.

Tadbirda faxriy nuroniylar ham söz olib, samimiy tabrik va tilaklarini bildirdilar. Ularning har bir sözi hayotiy tajriba, oqibat va duoga boy bölib, barça yiğilganlarda yuqori taassurot qoldirdi.  

Tadbir mobaynida tuman Madaniyat bölimi xonanda va ijodkorlari tomonidan kuylangan qöşiq va navolar yiğilganlarga haqiqiy bayramona kayfiyat ulaşdi. Milliy ruh va zamonaviy ohang uyğunligida jaranglagan kuy-qöşiqlar nuroniylarning qalbiga quvonç bağişladi. Ijodkorlarning samimiy çiqişlari, dilbar ohanglari va dilrabo kuy-qöşiqlari tadbirning tantanavor ruhini yanada yuksaltirdi.

Bayramlar arafasida ötkazilgan bunday xayrli tadbirlarning ahamiyati beqiyosdir. Zero, nuroniylarga körsatilayotgan eʼtibor va ehtirom, ularga yaratilayotgan şaroit va ğamxörlik — bu, avvalo, yoş avlod uçun ibrat namunasidir. Mehr-oqibat, duo-yu tilaklar va jamiyatdagi birdamlik kayfiyati ana şunday uçraşuvlarda yanada mustahkamlanadi. Bu esa el-yurtni ezgu maqsadlar yölida birlaştiradi, hamjihatlik va barqarorlikni taʼminlaydi.

Şu bois, Mustaqillik bayrami va paxta yiğim-terimi mavsumi arafasida ötkazilgan mazkur uçraşuv nafaqat nuroniylar uçun eʼtibor ramzi, balki butun tuman hayotida birlik, totuvlik va ezgu niyatlarning timsoli sifatida yodda qoladi.

Çaros Arslonova, tuman hokimligining Axborot xizmati rahbari.