Kadrlar tayyorlashda yangi bosqich: Amudaryo muhandislik texnologiyalari texnikumi tajribasi

Bugungi kunda mamlaka­timizda yoshlarni zamonaviy bilim va koʻnikmalar bilan qurollantirish, ularni mehnat bozorida raqobatbardosh muta­xassislar etib tayyorlashga alohida eʼtibor qa­ratilmoqda. Amudaryo muhandislik texnologiyalari texnikumi jamoasi ushbu ezgu maqsad yoʻlida samarali faoliyat yuritayotgan taʼlim muassasalaridan biridir. Texnikumimiz nafaqat hu­dudimiz yoshlarining kas­biy salohiyatini oshirishga xizmat qilmoqda, balki mam­lakatimiz iq­tisodiyoti uchun muhim boʻl­gan oʻrta boʻ­gʻin kadrlarini tayyorlash ish­lariga ham munosib hissa qoʻshmoqda.

Texnikumimizning umumiy maydoni 4,6 gektarni tashkil etib, u 936-oʻrinli quvvatga ega. Taʼlim dargohimizda 100-oʻrinli zamonaviy yotoqxona va shuncha oʻrinli oshxona oʻquvchilar ixtiyorida. Hozirda muassasada 632 nafar oʻquvchi kunduzgi, sirtqi va dual taʼlim shakllari boʻyicha tahsil olmoqda. Ularning 456 nafari davlat granti asosida, 176 nafari esa toʻlov-kontrakt asosida bilim olmoqda. Shuningdek, 87 nafar oʻquvchi shartnoma asosida yotoqxonaga joylashtirilgan boʻlib, ularning 54 nafari qizlar va 33 nafari oʻgʻil bolalardir.

Texnikumda jami 40 nafar oʻqituvchi va 1 nafar ishlab chiqarish taʼlimi ustasi faoliyat yuritadi. Ularning 1 nafari oliy toifali, 4 nafari yetakchi, 11 nafari esa katta oʻqituvchilardir.

Taʼlim sifatini yanada oshi­rish maqsadida Qora­qalpoq davlat universiteti, Nukus davlat texnika universiteti, Qoraqalpogʻiston qishloq xoʻjaligi va agrotexnologiyalar instituti kabi oliy taʼlim muassasalari bilan yaqin hamkorlik yoʻlga qoʻyilgan. Ushbu hamkorlik doirasida ular muassasaga metodik yordam koʻrsatib, oʻqitish materiallarimizga taqrizlar berishmoqda, birgalikda uslubiy qoʻllanmalar tayyorlayapmiz va professor-oʻqituvchilar tomonidan mahorat darslari oʻtkazilmoqda.

Texnikum bitiruvchilari­ning ishga joylashishi va oliy taʼlimni davom etti­rishi borasida ham sal­moqli natijalarga erishilmoqda. 2024-2025 oʻquv yilida texnikumni bitirgan 96 nafar oʻquvchidan 25 nafari imtihonsiz, yakka tar­tibdagi suhbat asosida oliy taʼlim muassasalari talabasi boʻldi. Bitiruvchilarimizning 12 nafari tad­birkorlik bilan shugʻullanmoqda, 72 nafari esa oʻz sohasi va unga yaqin yoʻnalish­larda faoliyat olib bormoqda. Bu koʻrsatkichlar texnikumimizda berilayotgan bilim va koʻnikmalarning mehnat bozoridagi talabga mos ekanligini koʻrsatadi.

Oʻqituvchilarimizning in­no­­­­vatsion yondashuvlari ham eʼti­rofga loyiq. Oʻzbe­­kiston Respublikasi Pre­zi­den­ti­ning 2023-yil 24-may­dagi Qarori hamda Oliy taʼlim, fan va innovatsiyalar vazirining topshirigʻiga asosan tashkil etilgan “Professio­nal taʼlim tizimida eng yaxshi raqamli taʼlim resurs­lari” Respublika koʻrik-tanlovida oʻqituvchilarimiz muvaffa­qiyatli ishtirok etdilar. Birinchi bosqichda 18 ta ra­qamli taʼlim resursini ishlab chiqdik va ulardan 10 tasi Qoraqalpogʻiston Res­publikasi miqyosida gʻolib deb topilib, respublika bosqichiga yoʻllanma oldi. Uchinchi bosqichda esa maxsus fan oʻqituvchilarimiz Gulnora Xudaybergenova, Toʻlgʻanoy Eshmuratova va psixologimiz Muattar Ozodovalar oʻz nominatsiyalarida faxrli 1-oʻrinni egallab, mukofotlarga sazovor boʻldilar.

Kelgusida faoliyatimizni yanada kengaytirishni rejalashtirganmiz. Oʻzbekiston Respublikasi Prezidentining 2025-yil 24-yanvardagi Qaroriga muvofiq, 2025/2026 oʻquv yilidan boshlab texnikumimizda muhandislik sohalaridagi kasblar boʻyicha toʻliq davlat granti asosida oʻrta boʻgʻin kadr­larini tayyorlash tizimi yoʻlga qoʻyildi. Shuning­dek, ish beruvchilar bilan tuzilgan shartnomalar asosida oʻquvchilarni dual taʼlim shaklida oʻqishga qabul qilamiz. Hozirda “TRIANGUL METALS TEBINBULAK” qoʻshma korxonasi bilan memorandum imzolab, «Elektr tarmoqlari va tizimlari» mutaxassisligi boʻyicha kunduzgi va dual taʼlim shaklida oʻquvchilarni qabul qilishni boshlab yubordik.

Bundan tashqari, texnikumimizda yoshlarni kasb-hunarga jalb etish maqsadida “Ochiq eshiklar kuni” tadbirlarini doimiy ravishda oʻtkazib kelmoqdamiz. Yaqinda tuman hokimi Sobir Xoʻjametov tashabbusi bilan texnikumda 18 ta yoʻnalishda bepul qisqa muddatli oʻquv kurslari tashkil etildi. Bu kurslar yoshlarga tikuvchilik, sartaroshlik, IT va das­turlash, payvandchilik kabi sohalarda bilim olish imkonini berib, ularning mehnat bozorida talabgir mutaxassis boʻlib yetishishiga zamin yaratadi.

Xulosa qilib aytganda, Amudaryo muhandislik texnologiyalari texnikumi jamoasi, nafaqat taʼlim berish, balki yoshlarni kelajak kasblariga tayyorlash, ularning ijtimoiy va iqtisodiy hayotdagi oʻrnini mus­tahkamlashga qaratilgan keng qamrovli faoliyatni amalga oshirmoqda. Oliy taʼlim muassasalari va ishlab chiqarish korxonalari bilan hamkorlik, innovatsion yondashuvlar hamda davlatimiz tomonidan koʻrsatilayotgan eʼtibor kelajakda taʼlim dargohimizning katta yutuqlariga yoʻl ochib berishiga ishonamiz.

Fursatdan foydalanib, texnikumimiz oʻqituvchilari, ishlab chiqarish taʼlimi ustalari va barcha xodimlarini, qolaversa, yurtimizdagi barcha ustoz va murabbiylarni 1-oktyabr – Oʻqituvchi va murabbiylar kuni bilan chin qalbimdan tabriklayman! Ularning yoshlarga bilim berish, kasb-hunar oʻrgatishdek mashaqqatli va sharafli ishlarida omad yor boʻlishini tilab qolaman!

Shuhrat Matirzayev, texnikum direktori, xalq deputatlari Amudaryo tuman Kengashi deputati.