YaNGI YIL BAYRAMI ARAFASIDA TUMAN PROKURORI MANGʻIT DEHQON BOZORI FAOLIYaTI BILAN TANIShDI
Mamlakatimizda aholi farovonligini taʼminlash, ularning kundalik oziq-ovqat mahsulotlariga boʻlgan ehtiyojlarini toʻliq qondirish borasida tizimli ishlar olib borilmoqda. Ayniqsa, turli bayram sanalari munosabati bilan tashkillashtiriladigan arzonlashtirilgan oziq-ovqat yarmarkalari, saxovatpesha fermer xoʻjaliklari rahbarlari va tadbirkorlar tomonidan oʻtkaziladigan saxovat va ehson tadbirlari xalqimizga bayramona kayfiyat, dasturxonlariga fayz bagʻishlamoqda.
Bu borada Amudaryo tumani prokuraturasi tomonidan ham oziq-ovqat xavfsizligini taʼminlash, aholining talab va ehtiyojlarini oʻrganish orqali tuman hududidagi bozorlarni tartibga solish, oziq-ovqat mahsulotlari narxining sunʼiy ravishda oshirilishining oldini olishga qaratilgan chora-tadbirlar amalga oshirilmoqda. Shu maqsadda muntazam ravishda tuman hududidagi oziq-ovqat zahira omborlari va ularda saqlanayotgan mahsulotlar miqdori va sifati oʻrganilib, aholining kundalik oziq-ovqat mahsulotlariga boʻlgan talabini toʻliq qondirishga alohida ahamiyat berilmoqda.
Yangi yil bayrami yaqinlashayotgani munosabati bilan Amudaryo tuman prokurori Bahrom Masharipov Mangʻit Dehqon bozori faoliyati bilan yaqindan tanishdi. Oʻrganishlar jarayonida Oʻzbekiston Respublikasi Vazirlar Mahkamasining "Bozorlar va savdo komplekslari faoliyatini tartibga solishga doir qoʻshimcha chora-tadbirlar toʻgʻrisida"gi 253-sonli Qarori ijrosini taʼminlash maqsadida bozor rastalaridagi tartib, tozalik, savdoga qoʻyilgan oziq-ovqat mahsulotlarining sifati, bozor hududidagi zahira omborlarida saqlanayotgan mahsulotlarning yaroqlilik darajasi va miqdori koʻzdan kechirildi. Shuningdek, Mangʻit dehqon bozori masʼullarining bayramoldi rejalari bilan yaqindan tanishildi.
Ayni kunlarda Dehqon bozori hududida Yangi yil oziq-ovqat yarmarkasi va bayramoldi arzonlashtirilgan oziq-ovqat mahsulotlari savdosi yoʻlga qoʻyilmoqda. Bozor rastalari sarxil meva-chevalardan tortib goʻsht va sut mahsulotlari, qandolatchilik hamda don-dun, eng sara navli guruch mahsulotlari bilan toʻldirilayotganidan xaridorlar mamnun.
Oʻrganishlar jarayonida Yangi yil bayramoldi yarmarkasi rastalarini yanada sifatli va toza mahsulotlar bilan taʼminlash, shuningdek, bozordagi oziq-ovqat mahsulotlari narxlarining barqarorligiga, kundalik zaruriy oziq-ovqat mahsulotlarining uzluksiz yetkazib berilishiga alohida ahamiyat qaratish yuzasidan bozor masʼullariga zarur topshiriqlar berildi.
ROBIYa YOʻLDOShEVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
