Xalq deputatlari Amudaryo tuman Kengaşining 17-sessiyasi töğrisida axborot

Amudaryo tumani hokimligining majlislar zalida Xalq deputatlari Amudaryo tuman Kengaşining navbatdagi 17-sessiyasi bölib ötdi. Sessiya işida tuman Kengaşi deputatlari, tuman hokimining örinbosarlari, taşkilot va muassasalar rahbarlari hamda ommaviy axborot vositalari vakillari iştirok etdi.

Sessiya Özbekiston Respublikasi va Qoraqalpoğiston Respublikasi Davlat madhiyalari sadolari ostida oçildi. Sessiya majlisiga Xalq deputatlari Amudaryo tuman Kengaşi raisi Alişer Yöldaşev raislik qildi. Sessiya kotibligiga “23-Qipçoq” saylov okrugidan deputat Muyassar Raxmatullayeva nomzodi deputatlar tomonidan maʼqullandi.

Sessiya kun tartibidagi birinçi masala yuzasidan tuman hokimining birinçi örinbosari Fahriddin Yusupov drayver loyihalarni moliyalaştiriş töğrisida hisobot berdi. Qayd etilişiça, Özbekiston Respublikasi Prezidentining 2024-yil 20-dekabrdagi “Hududlarda yuqori iqtisodiy ösiş va aholi bandligini taʼminlaşning yangi tizimini yölga qöyiş hamda bu borada mahalliy hokimliklarning roli va masʼuliyatini oşiriş çora-tadbirlari töğrisida”gi 223-sonli Farmoniga muvofiq, Qoraqalpoğiston Respublikasi Vazirlar Kengaşi, viloyatlar va Toşkent şahri hokimliklari bir oy muddatda har bir tuman va şaharda hududning iqtisodiy ösişiga turtki beruvçi sanoat, qişloq xöjaligi hamda xizmat körsatiş yönalişlarida kamida 5 tadan drayver loyihalarning manzilli röyxatini tasdiqlaşi belgilangan.

Mazkur Farmon ijrosini taʼminlaş maqsadida Amudaryo tumani Çordara mahallasi hududida joylaşgan Buyuk Turon, Çordara va Maxtumquli köçalari tutaşgan hududda savdo va xizmat körsatiş obʼektlarini taşkil etiş rejalaştirilgan. Bunda transformator örnatiş, SIP kabel tortiş, lotoklar örnatiş, zamonaviy aqlli bekat quriş hamda asfaltlaş işlarini amalga oşiriş közda tutilgan. Uşbu hududda savdo va xizmat körsatiş obʼektlarini taşkil qiliş uçun 10,5 mlrd söm mablağ ajratiş böyiça taklif bildirildi.

Sessiya kun tartibidagi navbatdagi masala yuzasidan tuman prokurori Bahram Maşaripov tuman prokuraturasining qonun ustuvorligini taʼminlaş sohasidagi faoliyati haqida axborot berdi. Axborotda taʼkidlanişiça, tuman prokuraturasi tomonidan 2025-yil davomida hududda qonun ustuvorligini taʼminlaş, qonuniylikni mustahkamlaş, fuqarolarning huquq va erkinliklarini, jamiyat va davlatning qonun bilan qöriqlanadigan manfaatlarini hamda Özbekiston Respublikasi konstitutsiyaviy tuzumini himoya qiliş, huquqbuzarliklarning oldini oliş va profilaktika qiliş borasida muayyan işlar amalga oşirilgan. Xususan, qonunlar ijrosi yuzasidan ötkazilgan 140 ta nazorat tadbirida 1200 ta qonun buziliş holatlari aniqlanib, 314 ta prokuror nazorati hujjatlari qöllanilgan. Qöpol qonun buzilişlari yuzasidan 21 ta jinoiy iş qözğatilgan.

Kun tartibidagi yana bir masala — 2025-yilning 12 oyi davomida huquqbuzarliklar profilaktikasi va jinoyatçilikka qarşi kuraşiş borasida amalga oşirilgan işlar töğrisida tuman Içki işlar bölimi boşliği Timur Doşumbayev hisobot berdi. Özbekiston Respublikasi Prezidentining 2025-yil 3-yanvardagi “2025-yilda respublika mahallalarida xavfsiz muhitni yaratiş va huquqbuzarliklarning barvaqt oldini oliş tizimi samaradorligini yanada oşiriş çora-tadbirlari töğrisida”gi 1-son qarori ijrosini taʼminlaş maqsadida tuman va mahallalar kesimida çora-tadbirlar yöl xaritalari işlab çiqilib, mahalla yettiligi, Adliya, soğliqni saqlaş hamda boşqa masʼul idoralar bilan hamkorlikda amaliy işlar olib borilayotgani qayd etildi.

Amalga oşirilgan profilaktik işlar natijasida tumandagi 32 ta mahalla “yaşil” toifaga kiritilib, ularda jinoyat sodir etilişiga yöl qöyilmadi. Şu bilan birga, jinoyat salmoği oşgani sababli 2 ta mahalla “qizil”, 15 ta mahalla esa “sariq” toifaga kiritildi. 2024-yil va 2025-yilning 12 oyi davomida tuman hududida sodir etilgan jinoyatlar soni 438 tadan 127 taga, yaʼni 60,7 foizga kamaydi. Oldini oliş mumkin bölgan jinoyatlar esa 161 tadan 127 taga, yaʼni 21,1 foizga qisqardi.

Sessiya majlisida tuman hokimligida ijro intizomiga rioya etilişi holati töğrisidagi masala yuzasidan hokimlik ijro intizomi nazorati bölinmasi boş mutaxassisi Maʼmurjon Tadjiboyev axborot berdi. Axborotga köra, 2025-yil davomida tuman hokimligiga 31 ta Prezident Farmoni, 47 ta qaror, 2 ta farmoyiş hamda Vazirlar Mahkamasining 49 ta qarorlari asosida tayyorlangan Qoraqalpoğiston Respublikasi Vazirlar Kengaşining jami 129 ta normativ-huquqiy hujjatlari kelib tuşgan. Uşbu hujjatlar ijrosini taʼminlaş maqsadida tuman hokimining 62 ta qarori qabul qilingan, 67 ta hujjat esa maʼlumot va ijro uçun qabul qilingan.

Şuningdek, ijro intizomi elektron tizimi orqali kelib tuşgan Qoraqalpoğiston Respublikasi Jöqorği Kengesining 173 ta hujjati asosida berilgan 1089 ta topşiriqdan 1064 tasi, yaʼni 98 foizi ijro etilgan. Qolgan 25 ta topşiriq ijro jarayonida bölib, şundan 17 tasi ayrim moliyaviy va taşkiliy sabablarga köra keçikayotgani va doimiy nazoratga olingani maʼlum qilindi.

Sessiya kun tartibidagi “Mahallaning ijtimoiy-iqtisodiy muammolarini hal etiş jamğarmasi daromadlari va xarajatlari ijrosi” masalasi yuzasidan Mahallalar uyuşmasi tuman bölimi boşliği Alişer Yöldaşev hisobot berdi. Hisobotda joriy yil mart oyida “Yaşil makon” umummilliy harakati doirasida jami 120 mingdan ortiq köçat ekilgani, “Qipçoq örmon xöjaligi”dan şartnoma asosida 40 ming köçat sotib olinib, buning uçun 511 mln söm mablağ sarflangani qayd etildi.

Şuningdek, fuqarolar yiğinlarining moddiy-texnik bazasini mustahkamlaş maqsadida 170 mln sömlik 31 ta kompyuter texnikasi, 99 mln sömlik 34 ta printer, 271 mln sömlik 41 ta konditsioner xarid qilingan. 16 ta mahallaga 29 ta kuzatuv kamerasi örnatilib, buning uçun 335 mln söm mablağ yönaltirilgan. Mahallalar binolarining kadastr hujjatlarini rasmiylaştiriş uçun 93 mln söm sarflangan. Şuningdek, ijtimoiy himoyaga muhtoj fuqarolarga jami 416 mln sömlik moddiy yordam körsatilgan. Umuman olganda, yil davomida uşbu yönalişdagi tadbirlar uçun 1 mlrd 384 mln sömdan ortiq mablağ sarflangan.

Sessiya kun tartibiga kiritilgan barça masalalar deputatlar tomonidan atrofliça muhokama qilinib, bildirilgan fikr-mulohaza va takliflar inobatga olingan holda tegişli qarorlar qabul qilindi.

Çaros Arslonova, tuman hokimligining Axborot xizmati rahbari.