Amudaryoda hukumat rahbari va yosh avlod oʻrtasida ochiq muloqot boʻlib oʻtdi
Mamlakatimizda yoshlarga oid davlat siyosati bugungi kunda yangi bosqichga koʻtarildi. Ertangi kunimiz egalari boʻlgan yigit-qizlarning zamonaviy bilim va kasb-hunarlarni egallashi, jamiyatda oʻz oʻrnini topishi hamda ularning tashabbuslarini har tomonlama qoʻllab-quvvatlash davlat siyosatining eng ustuvor yoʻnalishlaridan biriga aylangan. Bu borada joylarda tashkil etilayotgan “Rahbar va yoshlar uchrashuvlari” davlat idoralari va yosh avlod oʻrtasidagi ishonch koʻprigini mustahkamlashda muhim ahamiyat kasb etmoqda. Amudaryo tumanida oʻtkazilgan navbatdagi yirik anjuman ham ayni shu maqsadlarga xizmat qildi. Ushbu muhim tadbirda Qoraqalpogʻiston Respublikasi Vazirlar Kengashining Raisi Farxod Ermanov ishtirok etib, tuman yoshlari bilan yuzma-yuz muloqot qildi. Uchrashuvda, shuningdek, Yoshlar ishlari agentligi Qoraqalpogʻiston Respublikasi boshqarmasi boshligʻi Polat Maqsetbayev, Amudaryo tumani hokimi Sobir Xoʻjametov, respublika va tuman miqyosidagi turli soha rahbarlari, taʼlim muassasalari va tashkilotlar vakillari hamda yuzlab faol yoshlar qatnashdilar.
Tadbir avvalida soʻz olganlar bugungi globallashuv davrida yoshlar uchun yaratilayotgan keng koʻlamli imkoniyatlar xususida atroflicha toʻxtalib oʻtdilar. Muloqot davomida kun tartibidagi eng dolzarb masalalar — sifatli taʼlim olish, bandlikni taʼminlash, yoshlar tadbirkorligini rivojlantirish va zamonaviy kasb-hunarlarni oʻrganish boʻyicha batafsil maʼlumotlar berildi.
Xususan, mutaxassislar tomonidan iqtidorli yoshlarni qoʻllab-quvvatlashga qaratilgan davlat grantlari, oʻz biznesini boshlash istagida boʻlganlar uchun imtiyozli kreditlar ajratish tartibi hamda innovatsion gʻoyalarni hayotga tatbiq etishga moʻljallangan startap loyihalar tanlovlari haqida aniq tavsiyalar berildi. Shuningdek, bugungi kunning talabidan kelib chiqib, xorijiy davlatlarning nufuzli oliygohlarida taʼlim olish hamda rivojlangan mamlakatlarda qonuniy va xavfsiz mehnat faoliyatini yoʻlga qoʻyish mexanizmlari boʻyicha ham tushuntirish ishlari olib borildi.
Uchrashuvning eng eʼtiborli va muhim jihati uning rasmiyatchilikdan xoli, ochiq va samimiy muloqot ruhida oʻtganligidadir. Tadbirda yoshlar oʻzlarini oʻylantirayotgan muammolar, sohalarda uchrayotgan toʻsiq va kamchiliklar hamda tuman rivojiga hissa qoʻshadigan yangi taklif va tashabbuslar bilan toʻgʻridan-toʻgʻri Qoraqalpogʻiston Respublikasi Vazirlar Kengashi Raisiga murojaat qilish imkoniga ega boʻldilar.
“Ochiq mikrofon” formatida oʻtgan muloqotda yoshlarning shijoati, intilishi va ertangi kunga boʻlgan ishonchi yaqqol namoyon boʻldi. Vazirlar Kengashi rahbari Farxod Ermanov har bir murojaatni diqqat bilan tinglab, ularning yechimi yuzasidan mutasaddi rahbarlarga qatʼiy topshiriqlar berdi. Quvonarlisi shundaki, yoshlar tomonidan koʻtarilgan masalalarning aksariyatiga joyida ijobiy yechim topildi, vaqt va oʻrganish talab etadigan murojaatlar esa alohida nazoratga olinib, ijro muddatlari belgilandi.
Bu kabi uchrashuvlar nafaqat muammolarni hal etish maydoni, balki yoshlarni yangi marralar sari ruhlantiruvchi kuch hamdir. Amudaryo tumanida oʻtkazilgan mazkur tadbir yoshlarning jamiyat hayotidagi ijtimoiy faolligini oshirish, ularni davlat boshqaruvi va islohotlar jarayonida daxldorlik hissi bilan yashashga undashda muhim ahamiyat kasb etdi. Rahbar va yoshlar oʻrtasidagi bunday jonli muloqotlar byurokratik toʻsiqlarni bartaraf etib, yosh avlodning orzu-umidlarini roʻyobga chiqarishga xizmat qilishi shubhasiz. Mazkur uchrashuv mamlakatimizda yoshlar siyosatining amaldagi yorqin ifodasi boʻlib, yosh avlodga berilayotgan yuksak eʼtiborning yana bir amaliy namunasi sifatida tarixga kirdi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
