Tuman fermerlar kengashi Rayosatining navbatdagi yigʻilishi boʻlib oʻtdi
Amudaryo tuman fermerlar kengashi Rayosatining navbatdagi yigʻilishi boʻlib oʻtdi. Yigʻilishda tuman qishloq xoʻjaligi sohasida amalga oshirilayotgan islohotlar, 2025-yil faoliyati yakunlari hamda 2026-yil uchun ustuvor vazifalar muhokama qilindi.
Yigʻilish kun tartibida, avvalo, Amudaryo tuman fermerlari kengashining 2025-yilda amalga oshirgan ishlari tahlil etildi. Hisobotda paxta va gʻalla yetishtirish, yer unumdorligini oshirish, suv resurslaridan oqilona foydalanish, agrotexnik tadbirlarni oʻz vaqtida amalga oshirish boʻyicha erishilgan natijalar atroflicha koʻrib chiqildi. Shuningdek, ayrim yoʻnalishlarda yoʻl qoʻyilgan kamchiliklar tanqidiy muhokama qilinib, ularni bartaraf etish yuzasidan takliflar bildirildi.
Yigʻilishda Oʻzbekiston Respublikasi Prezidentining 2025-yil 9-dekabrdagi “Paxtachilik va gʻallachilikda hosildorlikni oshirish uchun yuqori samarador intensiv agrotexnologiyalarni qoʻllashning qoʻshimcha chora-tadbirlari toʻgʻrisida”gi qarori mazmun-mohiyatiga alohida eʼtibor qaratildi. Mazkur qarorga muvofiq, intensiv agrotexnologiyalarni joriy etish, zamonaviy urugʻlik navlardan foydalanish, mineral oʻgʻitlar va himoya vositalarini ilmiy asosda qoʻllash, raqamli texnologiyalardan foydalanish kabi vazifalar belgilab berilgani taʼkidlandi.
Qarorda nazarda tutilgan imtiyozlar, jumladan, moliyaviy qoʻllab-quvvatlash mexanizmlari, imtiyozli kreditlar, texnika va resurslar bilan taʼminlash masalalari boʻyicha fermerlarga tushuntirishlar berildi. Bu imkoniyatlardan samarali foydalanish orqali hosildorlikni oshirish va mahsulot tannarxini pasaytirish mumkinligi qayd etildi.
Shu bilan birga, 2026-yilda amalga oshiriladigan ishlar rejasi belgilab olindi. Unda intensiv texnologiyalarni keng joriy etish, suv tejamkor usullardan foydalanish, tuproq unumdorligini saqlash va oshirish, agrosanoat kooperatsiyasini rivojlantirish kabi yoʻnalishlar ustuvor vazifa sifatida belgilandi. Fermerlar oʻrtasida ilgʻor tajribalarni ommalashtirish, malaka oshirish seminarlarini tashkil etish masalalari ham muhokama qilindi.
Yigʻilish davomida kun tartibidagi masalalar yuzasidan fikr-mulohazalar bildirilib, tegishli qarorlar qabul qilindi. Muhokamalar konstruktiv ruhda oʻtib, har bir masala yuzasidan aniq vazifalar va masʼullar belgilab berildi.
Yigʻilishda qishloq xoʻjaligi sohasida amalga oshirilayotgan islohotlarning amaliy natijasi sifatida fermer xoʻjaliklarining faoliyat samaradorligini yanada oshirish, paxtachilik va gʻallachilikda yuqori hosildorlikka erishish boʻyicha muhim yoʻnalishlar belgilab olindi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
