Sudyalar va sud apparati xodimlarining oila aʼzolari uchun ochiq eshiklar kuni oʻtkazildi
Sud tizimi xodimlarining masʼuliyatli va murakkab faoliyatida oilaning qoʻllab-quvvatlashi muhim ahamiyatga ega ekanligi hech kimga sir emas. Aynan shu maqsadda, 2026-yilning 25-avgust kuni Jinoyat va Fuqarolik ishlari boʻyicha Amudaryo tuman sudlari binosida tadbir boʻlib oʻtdi.
Sudyalar va sud apparati xodimlarining farovonligi xalqaro kuni munosabati bilan tashkil etilgan mazkur tadbir doirasida tizimda mehnat qilayotgan fidoyi xodimlarning oila aʼzolari uchun ochiq eshiklar kuni oʻtkazildi.
Uchrashuv davomida jinoyat ishlari boʻyicha Amudaryo tuman sudi raisi Jasurbek Baltabayev hamda fuqarolik ishlari boʻyicha Amudaryo tuman sudi raisi Adilbek Seytnazarov mehmonlarni kutib olib, ularga sud binosi boʻylab yaqindan tanishtiruv ekskursiyasini tashkil etdi.
Tashrif buyurgan oila aʼzolari sudyalar va sud apparati xodimlarining kundalik ish faoliyati hamda ular uchun yaratilgan shart-sharoitlarni oʻz koʻzlari bilan koʻrish imkoniga ega boʻldilar. Bunday eʼtiborga molik tadbirlarning oʻtkazilishi nafaqat soha xodimlarining ruhiyatini koʻtarish va ularning oilaviy rishtalarini yanada mustahkamlashga, balki sud tizimining xalq uchun qanchalik ochiq va shaffof ekanligini keng jamoatchilikka koʻrsatib berishga xizmat qiladi. Oila aʼzolari oʻz yaqinlarining qonun ustuvorligi yoʻlidagi mashaqqatli mehnatiga bevosita guvoh boʻlib, tadbirdan katta taassurotlar bilan qaytdilar.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
