XALQ DEPUTATLARI AMUDARYo TUMANI KENGAŞINING NAVBATDAGI 26-SESSIYaSI BÖLIB ÖTDI

Amudaryo tumani hokimligi majlislar zalida Xalq deputatlari Amudaryo tumani Kengaşining navbatdagi 26-sessiyasi bölib ötdi. Sessiyada tuman hokimining örinbosarlari, tegişli taşkilot va idoralar rahbarlari, mahalla fuqarolar yiğinlari raislari, xotin-qizlar faollari hamda ommaviy axborot vositalari vakillari iştirok etdi. Sessiya işini Kengaş raisi Alişer Yöldaşev olib bordi. Yiğiliş Özbekiston Respublikasi va Qoraqalpoğiston Respublikasi davlat madhiyalari ijrosi bilan boşlandi. Sessiya kotibligiga 24-Qangli saylov okrugidan deputat Dilnoza Otabayeva nomzodi deputatlar tomonidan bir ovozdan maʼqullandi. Kun tartibidan örin olgan masalalar yuzasidan tuman hokimining örinbosarlari hamda tegişli taşkilot va idoralar rahbarlarining hisobot va axborotlari tinglandi. Muhokamalar davomida deputatlar tomonidan bildirilgan taklif va mulohazalar körib çiqilib, berilgan savollarga masʼullar tomonidan tegişli javoblar qaytarildi. Dastlab, tuman mahalliy byudjetining 2026-yil 9 oylik ijrosi hamda byudjet mablağlarini yönaltiriş masalalari muhokama qilindi. Tuman Iqtisodiyot va moliya bölimi boşliğining birinçi örinbosari Jahongir Yöldoşevning axborotiga köra, hisobot davrida mahalliy byudjet daromadlari rejasi 111 milliard 178,7 million söm etib belgilangan bölib, amalda 123 milliard 417,5 million söm tuşum taʼminlandi. Natijada daromadlar rejasi 111 foizga bajarilib, belgilangan körsatkiçdan 12 milliard 238,8 million söm ortiq tuşum taʼminlangan. Şuningdek, hisobot davrida mahalliy byudjetdan jami 154 milliard 691 million söm mablağ sarflangani qayd etildi. Mablağlar qişloq xöjaligi va obodonlaştiriş, maktabgaça taʼlim, umumiy taʼlim, madaniyat va sport, boşqaruv organlari faoliyati hamda boşqa yönalişlarga sarflangan. Fuqarolar taşabbusli jamğarmasi va mahallalarning ijtimoiy-iqtisodiy muammolarini hal etişga qaratilgan mablağlardan foydalaniş masalalariga ham eʼtibor qaratildi. Sessiyada tuman Içki işlar bölimi boşliği Mahsud Şerimbetovning huquqbuzarliklar profilaktikasi va jamoat xavfsizligini taʼminlaş borasida amalga oşirilgan işlar yuzasidan hisoboti ham tinglandi. Qayd etilişiça, voyaga yetmaganlar tarbiyasiga masʼuliyatsiz yondaşgan 1 471 nafar ota-onaga nisbatan maʼmuriy çoralar körilgan, tarbiyasi oğir 236 nafar öquvçi bilan manzilli profilaktik işlar olib borilgan. Mahallalarda oldini oliş mumkin bölgan 62 ta jinoyat muhokama qilingan. Oilalardagi nizolarni bartaraf etiş va ajrimlarning oldini oliş maqsadida muammoli 148 ta oila bilan tegişli işlar olib borilib, ularning 114 tasida yaraşuvga erişilgan. Tazyiq va zöravonlikdan jabrlangan 1 036 nafar ayolga himoya orderlari berilgan, himoya orderi talablarini buzgan 27 nafar fuqaroga nisbatan maʼmuriy çoralar qöllanilgan. Bundan taşqari, huquqbuzarlik sodir etişga moyil yoki undan jabrlaniş ehtimoli yuqori bölgan 8 044 nafar şaxs “E-ijtimoiy profilaktika” elektron axborot tizimiga kiritilgan. Şundan söng tuman soliq inspektsiyasi boşliği Jahongir Rahimovning mahalliy byudjet daromadlari ijrosi, qöşimça daromad manbalarini aniqlaş va soliq tuşumlarini oşiriş borasidagi axboroti tinglandi. Maʼlumotlarga köra, 2026-yil 1-oktyabr holatiga byudjetga 73,9 milliard söm tuşum taʼminlanib, 66,5 milliard sömlik reja 110,9 foizga bajarilgan. Ötgan yilning mos davrida 58,5 milliard söm tuşum qayd etilgan bölsa, joriy yilda uşbu körsatkiç 73,9 milliard sömga yetgan. Jismoniy şaxslarning daromad soliği tuşumlari esa 8,5 milliard sömni taşkil etgan. Sessiya kun tartibida 2027-yilda aholining ijtimoiy ehtiyojmand toifalarini iş bilan taʼminlaş uçun iş örinlarining eng kam sonini belgilaş va ularni zaxiraga qöyiş masalasi ham körib çiqildi. Tuman kambağallikni qisqartiriş va bandlikka kömaklaşiş bölimi boşliği Ruslan Narimbetovning maʼlumotiga köra, 162 ta taşkilot tomonidan jami 861 ta iş örnini zaxiraga qöyiş taklif etilgan. Şundan 362 tasi nogironligi bölgan şaxslar, 53 tasi oilaviy zöravonlikdan jabrlanganlar, 411 tasi Ijtimoiy reyestrga kiritilgan oilalar aʼzolari uçun ajratilişi rejalaştirilgan. Qolgan iş örinlari yetim va ota-ona qaramoğidan mahrum bölganlar, jazoni ijro etiş muassasalaridan ozod qilinganlar hamda odam savdosidan jabrlangan şaxslarni işga joylaştirişga yönaltiriladi. Şuningdek, Amudaryo tumani Suv yetkazib beriş xizmati davlat muassasasi direktori Baxtiyor Davekovning suv yetkazib beriş xizmati faoliyati hamda 2027-yil hosili uçun şör yuviş davrida suv oliş limitlarini belgilaş yuzasidan hisoboti tinglandi. Qoraqalpoğiston Respublikasi Suv xöjaligi vazirligining 2026-yil 2-sentyabrdagi 146-sonli buyruğiga muvofiq, tumanga şör yuviş davri uçun jami 186 million kub metr suv oliş limiti ajratilgan. Şundan 35 million kub metri tizim orqali, 151 million kub metri esa daryodan nasoslar yordamida olinişi belgilangan. Suv resurslaridan oqilona foydalaniş, ajratilgan limitlarni isteʼmolçilar kesimida töğri taqsimlaş masalalari yuzasidan fikr almaşildi. Bundan taşqari, tuman Kengaşining maişiy çiqindilarni olib çiqiş va obodonlaştiriş xizmatlari tariflarini tasdiqlaşga oid qaroriga özgartiriş kiritiş masalasi ham tegişli tartibda körib çiqildi. Sessiya yakunida kun tartibidagi barça masalalar yuzasidan bildirilgan fikr va takliflar inobatga olinib, tegişli qarorlar qabul qilindi. Qabul qilingan qarorlar ijrosini taʼminlaş böyiça masʼul taşkilot va idoralarga belgilangan vazifalarni öz vaqtida hamda sifatli bajariş yuzasidan tegişli topşiriqlar berildi. Çaros Arslonova, tuman hokimligining Axborot xizmati rahbari.