Iqtidorli qizlar tanlovi
Bir necha yillardan beri maktab, litsey, kollej va oliy oʻquv yurtlarida aʼlo xulqi, zukkoligi, donoligi, tashabbuskorligi, oʻqishdagi muvaffaqiyatlari bilan alohida isteʼdodini namoyon qilib taʼlim olayotgan, istiqlol gʻoyalarini amalga oshirish yoʻlida astoydil mehnat qilayotgan iqtidorli qizlarga adabiyot, madaniyat, sanʼat, fan, taʼlim sohalaridagi alohida yutuqlari uchun Zulfiya nomidagi Davlat mukofoti berilib kelmoqda.
Zulfiya nomidagi Davlat mukofotiga oʻtgan yillar davomida mamlakatimiz boʻylab turli yoʻnalishlar boʻyicha koʻplab isteʼdodli va iqtidorli qizlar sazovor boʻlgan. Har yili Zulfiya qizlari tanloviga tengdoshlariga oʻz xulqi, odobi, aʼlo oʻqishi, faolligi, qobiliyati bilan ibrat boʻlgan oʻnlab, yuzlab qizlar tavsiya etiladi.
Bu yilgi Zulfiya qizlari tanlovining tuman bosqichida ishtirok qilgan isteʼdodli qizlar ham shular jumlasidandir. Tanlovning tuman bosqichi oʻtkazilayotgan madaniyat va sport ishlari boʻlimida nomzod qizlar ijodiy ishlari, kashfiyotlari, ishlanmalari, oʻz qoʻllari bilan tikkan, tayyorlagan hunarmandchilik buyumlarini namoyish etdilar.
Koʻrik-tanlovning ochilish qismida soʻz olganlar tanlov shartlari, tartibi haqida toʻxtalib, ishtirokchi qizlarga omad tiladi. Shundan soʻng nomzod qizlar adabiyot, taʼlim, fan, sanʼat va madaniyat yoʻnalishlari boʻyicha guruhlarga boʻlindilar. Hakamlar hayʼati tomonidan qizlarning bilimi va isteʼdodiga munosib baho berildi.
Tanlovda tumanimizdagi umumtaʼlim maktablari, oʻrta maxsus, kasb-hunar taʼlimi muassasalarida va Amudaryo akademiy litseyda taʼlim olayotgan 120 nafardan ziyod iqtidorli qizlar qatnashdilar. Ular orasidan eng munosiblari 5 ta yoʻnalish boʻyicha Qoraqalpogʻiston Respublikasi bosqichida ishtirok etish uchun yoʻllanmani qoʻlga kiritishdi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
