Oʻzimizning ilk uyali telefon va planshetlarimiz tayyor boʻldi

OliveTelecom Oʻzbekiston-Hindiston qoʻshma korxonasi mobil telefon va planshetlarning ilk partiyasini chiqardi.
«Pravda vostoka» gazetasining xabarlariga koʻra, "Navoiy” erkin industrial-iqtisodiy zonasida joylashgan korxona CDMA standartidagi telefon va planshetlarni ishlab chiqarishni oʻzlashtirgan.
Bugungi kunga kelib korxonaning yigʻuv tsexida buyurtmachilarga ilk statsionar telefon, planshet hamda 13 mingta uyali telefonlar joʻnatishga tayyorlab qoʻyilgan.
Korxona yigʻuv tsexi boshligʻi Erkin Abdurahmonovning aytishicha, korxona "Oʻzbektelekom” aktsiyadorlik kompaniyasining buyurtmalariga asosan ishlaydi. Mahsulotning ushbu partiyasi mahalliy uyali aloqa operatori boʻlmish UzMobile uchun moʻljallangan.
Bugungi kunga kelib mingta statsionar telefon va huddi shuncha Android platformasida ishlaydigan planshetlar ishlab chiqarilgan va ular Toshkent axborot texnologiyalari instituti ixtiyoriga topshiriladi.
Aytish joizki, mahsulotlarning sifati yevropa standarti darajasidan qolishmaydi. Narxi ham ancha arzon, uni hatto talabalar ham bemalol harid qilishlari mumkin.

Manba: http://www.darakchi.uz