ISTEʼMOLChI VA QONUN BIZGA IShONING VA MUROJAAT QILING!
Oʻzbekiston Respublikasining "Isteʼmolchilarning huquqlarini himoya qilish toʻgʻrisida”gi Qonunida isteʼmolchilarning huquqlarini har tomonlama himoya qilish chora-tadbirlari belgilab qoʻyilgan.
Ushba Qonun mazmun-mohiyatini targʻibot-tashviqot qilish, aholining isteʼmol madaniyatini oshirishga qaratilgan ishlarni yanada rivojlantirish maqsadida Qoraqalpogʻiston Respublikasi Vazirlar Kengashining 2017-yil 31-martdagi "Qoraqalpogʻiston Respublikasi Isteʼmolchilar huquqlarini himoya qilishda jamoatchilik ishtirokini kengaytirish chora-tadbirlari toʻgʻrisida”gi 194-sonli Qarori qabul qilinib, ushbu qaror asosida tuman hokimining 2017-yil 6-aprel kuni 202-sonli qarori qabul qilindi.
Bu qarorlarning qabul qilinishi bejiz emas. Chunki buning zamirida jamiyat zimmasiga ulkan vazifalar yuklanib, tuman aholisining jamiyatga boʻlgan ishonchini qozonish asosiy maqsad qilib qoʻyilgan. Jamiyat tomonidan 2017-yil davomida "Isteʼmolchi”, "Isteʼmolchi va uning huquqlari” kabi mavzularda tumandagi xalq taʼlimi hamda tibbiyot sohasiga qarashli muassasalarda va boshqa korxona-tashkilotlarda xalq bilan muloqot va uchrashuvlar oʻtkazildi. Bu kabi chora-tadbirlar esa oʻz navbatida, aholining tashkilotga boʻlgan ishonchi oshishiga xizmat qilmoqda. Jamiyat xodimlari tomonidan 2016-yil oktyabr oyidan to hozirgi kungacha amalga oshirilgan ishlarning sarhisobi natijasidan ham bilish mumkinki, jamiyat faoliyatiga boʻlgan ishonch ortib bormoqda. Jumladan, tuman isteʼmolchilar huquqlarini himoya qilish jamiyatiga ushbu davrda 100 dan ortiq isteʼmolchi murojaat qilgan boʻlib, ularning murojaatlari toʻliq qanoatlantirildi, isteʼmolchilar jamiyat xodimlariga oʻz minnatdorchiligini bildirishdi.
Aziz yurtdoshlar! Sizning isteʼmolchi sifatida huquqlaringiz Qonun himoyasida ekanligini esda tuting. Isteʼmolchi sifatida huquqlaringizning buzilganligini anglagan zahoti zudlik bilan tuman Isteʼmolchilar huquqlarini himoya qilish jamiyatida tashkil qilingan 515-10-91 raqamli "Ishonch telefoni”ga qoʻngʻiroq qilsangiz kifoya. Jamiyat xodimlari qonun doirasida sizning huquqingizni himoya qiladi. Bizga ishoning va murojaat qiling!
I.XUDOYoROV, tuman Isteʼmolchilar huquqlarini himoya qilish jamiyati raisi.
(Foto - http://turkistonpress.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
