IMKONIYaTI ChEKLANGANLAR UChUN DAROMAD MANBAI
Muhtaram Prezidentimiz Sh.Mirziyoyev tashabbuslari bilan mazkur yilning "Xalq bilan muloqot va inson manfaatlari yili” deya atalib, joylarda xalq qabulxonalarining tashkil etilishi, ularda fuqarolarimizning murojaatlari qabul qilinib, barcha xohish-istaklarining hisobga olinishi demokratik islohotlarning chuqur ildiz otishiga hamda xalq manfaatlarining toʻla taʼminlanishiga xizmat qilmoqda.
Bundan tashqari, mamlakatimizda sayyor qabullarning ham amalga oshirilayotgani xalqimiz uchun imkoniyatlar eshiklarini ochib berayapti. Chunki bunday sayyor qabullarda ishtirok etayotgan rahbarlar va mutasaddilar fuqarolar bilan uchrashib, ochiqdan-ochiq muloqotlarni amalga oshirmoqdalar.
Yaqinda tumanimizda Oʻzbekiston Respublikasi Prezidentining Davlat maslahatchisi T.Xudoybergenov ishtirokida oʻtkazilgan sayyor qabulda koʻplab fuqarolarimiz ishtirok etdilar.
Ushbu sayyor qabulda tumanimizdagi A.Navoiy nomli va "Bosuv” mahallalarida istiqomat qilayotgan nogiron fuqarolar – Darmonjon Ibodullayeva va Yulduz Karimovalar ham ishtirok etishib, Prezidentimizning Davlat maslahatchisi T.Xudoybergenovga oʻz muammolari haqida murojaat qilishgan edi.
Shundan soʻng bu nogiron qizlarga yordam koʻrsatilib, ular tikuv mashinalari bilan taʼminlandilar va "Oʻzpaxtasanoat” aktsiyadorlik jamiyatining Paxtasanoat hududiy filialiga qarashli paxta tozalash zavodi bilan shartnoma tuzishib, kasanachilik asosida ish boshladilar.
Ayni kunda shartnoma asosida ishlayotgan bu qizlar buyurtma asosida paxta terishga moʻljallangan etaklarni tayyorlashni yoʻlga qoʻydilar.
A.JUMANIYoZOV, «Taraqqiyot koʻzgusi» gazetasi maxsus muxbiri.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
