"Umid nihollari"ning tuman bosqichi oʻtkazildi (+Video)

Kuzgi taʼtil kunlarida tumanimizdagi 7 ta – Mangʻit shahri, shahar atrofi, Qilichboy, Xitoy, Jumurtov, Qipchoq va Toʻlqin hududlari maktablarining 1-4-sinf oʻquvchilari mazkur musobaqaning tuman bosqichida shaxmat, shashka, sport gimnastikasi, badiiy gimnastika, mini futbol, yengil atletika turlari boʻyicha oʻzaro kuch sinashdilar.

Musobaqaning hududiy bosqichlar gʻoliblari tuman Bolalar-oʻsmirlar sport maktabida oʻtkazilgan tuman bosqichida ishtirok etdi. Murosasiz kechgan bellashuvlarda sportning shaxmat turidan 40-sonli maktab oʻquvchisi Amirxon Rahimov birinchi oʻrinni, 27-sonli maktab oʻquvchisi Behruz Allamberganov ikkinchi, 48-sonli maktab oʻquvchisi Ruslan Ismoilov uchinchi oʻrinni egalladi. Shaxmatchi qizlar orasida 40-sonli maktab oʻquvchisi Sevinch Safarboyeva birinchi, 50-sonli maktab oʻquvchisi Dilnura Yursinova ikkinchi, 56-sonli maktab oʻquvchisi Dinora Boltaboyeva uchinchi oʻrinni egallashga muvaffaq boʻldi. Shuningdek, 9 yoshgacha boʻlgan oʻquvchilar oʻrtasida Sohibjon Saidmahmudov birinchi, Doston Kamolov ikkinchi, Otabek Murodboyev uchinchi oʻrinni, qizlar orasida esa Gulsevar Safarboyeva birinchi, Xolida Yalgʻasheva ikkinchi, Umida Toʻliboyeva uchinchi oʻrinni egalladi.

Sportning shashka turidan Botir Omonboyev birinchi, Qudrat Hayitboyev ikkinchi, Joʻrabek Yalgʻashev uchinchi, qizlar oʻrtasida Nurgul Reyimboyeva birinchi, Farida Yalgʻasheva ikkinchi, Enargul Gʻoyipova uchinchi oʻrinni zabt etishdi.

Mini futbol musobaqalarida 33-sonli maktab jamoasi birinchi, 37-sonli maktab jamoasi ikkinchi, 41-sonli maktab jamoasi uchinchi oʻrinni yengib oldi.

Yengil atletika boʻyicha musobaqalar ham juda qizgʻin va murosasiz kechdi. 30 metrga yugurish boʻyicha Navroʻzbek Nazarboyev birinchi, Farruh Abdullayev ikkinchi, Adham Nurullayev uchinchi oʻrinni egallagan boʻlsa, qizlar oʻrtasida Sohiba Jumamurobov, Shohida Abdullayeva, Umida Boltaboyevalar mos ravishda birinchi, ikkinchi va uchinchi oʻrinlarni egalladilar.

Turgan joyidan uzunlikka sakrash boʻyicha musobaqalarda Dilshodbek Davlatboyev, Timur Rahimov va Sadaddin Yoʻldoshevlar kuchli uchlikni band qilishdi. Ushbu sport turi boʻyicha oʻtkazilgan musobaqalarda qizlar orasida Dilbar Yursinova birinchi, Shahlo Quvvatova ikkinchi, Dilafroʻz Baxtiyorova uchinchi oʻrinni egalladi.

Tennis toʻpini nishonga otish boʻyicha oʻyinlarda Doston Gulmirzayev birinchi, Timur Rahimov ikkinchi, Bahovuddin Fayzullayev uchinchi, qizlar orasida Umida Boltaboyeva birinchi, Dilnoza Ollayorova ikkinchi, Sohiba Jumamurodov uchinchi oʻrin sohib va sohibalari boʻlishdi. Sport gimnastikasi boʻyicha esa Hakimboy Kenjayev va Dilnoza Qodirovalarga teng keladigani topilmadi. Musobaqalarning tuman bosqichida gʻolib boʻlgan yosh sportchi oʻquvchilar tashkilotchilar tomonidan esdalik sovgʻalari bilan ragʻbatlantirildi va kelgusi bosqich yoʻllanmasini qoʻlga kiritishdi.