Endi hokim, prokuror, ichki ishlar va soliq organlari rahbarlarining faoliyati 100 ballik tizim asosida baholanadi.
2018-yil 1-yanvardan Qoraqalpogʻiston Pespublikasi, viloyatlar va Toshkent shahrining tumanlar va shaharlarini kompleks ijtimoiy-iqtisodiy rivojlantirish boʻyicha hudud rahbarlari faoliyatini baholashning yangi mezoni amalga tatbiq etiladi. Bunda baholash ikki qismdan iborat boʻladi. Birinchisi, rasmiy statistik hamda Oʻzbekiston Pespublikasi Prezidentining Xalq qabulxonalariga va Virtual qabulxonasiga kelib tushayotgan murojaatlar boʻyicha maʼlumotlarni oʻz ichiga oladi. Bu haqda OʻzA maʼlum qilmoqda.
Pasmiy statistik maʼlumotlar ijtimoiy soha, iqtisodiyot, qishloq xoʻjaligi sohasi, kommunal xoʻjaligini tashkil qilish va uy-joy masalalari, huquq-tartibot sohasidagi koʻrsatkichlarni hamda Oʻzbekiston Pespublikasi Prezidentining 2017-yil 8-avgustdagi «Hududlarning jadal ijtimoiy-iqtisodiy rivojlanishini taʼminlashga doir ustuvor chora-tadbirlar toʻgʻrisida»gi qaroriga muvofiq shahar va tumanlarni kompleks ijtimoiy-iqtisodiy rivojlantirish boʻyicha tashkil etilgan sektorlar rahbarlari tomonidan uyma-uy yurish, xalq bilan muloqot, aholi tomonidan koʻtarilgan muammolarni yechish boʻyicha koʻrilayotgan choralarning samaradorligi koʻrsatkichlarini oʻz ichiga oladi.
Tizimdagi mezon-indikatorlarni baholash boʻyicha maksimal koʻrsatkich 100 ballni tashkil etadi.
Bunda rasmiy statistik maʼlumotlar boʻyicha maksimal 80 ball, Oʻzbekiston Pespublikasi Prezidentining Xalq qabulxonalariga va Virtual qabulxonasiga kelib tushayotgan murojaatlar boʻyicha maksimal 20 ball bilan baholanadi.
Hisobot davri sifatida har chorak olinadi va chorak yakuni boʻyicha yagona koʻrsatkichning oʻzgarish dinamikasi orqali tegishli hududdagi rahbarning faoliyatiga asoslangan baho beriladi.
Baholash natijalari oʻrnak koʻrsatgan sektorlar rahbarlari va davlat organlarining mansabdor shaxslari va xodimlarini ragʻbatlantirish yoki yoʻl qoʻyilgan jiddiy kamchiliklari uchun ularni lavozimidan ozod etishgacha boʻlgan jazo choralarining qoʻllanilishida foydalanilishi mumkin.
Qoraqalpogʻiston Pespublikasi, viloyatlar va Toshkent shahrining tumanlar va shaharlarini kompleks ijtimoiy-iqtisodiy rivojlantirish boʻyicha hudud rahbarlari faoliyatini baholash tizimi toʻgʻrisidagi Nizom Oʻzbekiston Pespublikasi Vazirlar Mahkamasining 2017-yil 8-dekabrdagi «Qoraqalpogʻiston Pespublikasi, viloyatlar va Toshkent shahrining tumanlar va shaharlarini kompleks ijtimoiy-iqtisodiy rivojlantirish boʻyicha hudud rahbarlari faoliyatini baholash mezonlarini joriy etish toʻgʻrisida»gi qarori bilan tasdiqlangan.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
