Amudaryoda soliq tizimidagi, litsenziya olish va ruxsat berish tartib-taomillari boʻyicha oʻzgarishlarga bagʻishlangan yigʻilish oʻtkazildi
24-yanvar kuni tuman hokimligida Oʻzbekiston Respublikasi bosh prokuraturasi huzuridagi soliq va valyutaga oid jinoyatchilikka va jinoiy daromadlarni legallashtirishga qarshi kurashish departamentining tuman boʻlimi tomonidan tadbirkorlar uchun targʻibot tadbiri oʻtkazildi.
Tadbirda ishtirokchilarga 2018-yilda soliq tizimidagi, litsenziya olish va ruxsat berish tartib-taomillari boʻyicha oʻzgarishlar haqida keng tushunchalar berildi.
Taʼkidlanganidek, soliq qonunchiligidagi oʻzgarishlar tadbirkorlikni yanada rivojlashtirish maqsadida amalga oshirilmoqda. Masalan, 2018-yildan yakka tartibdagi tadbirkorlar uchun qatʼiy belgilangan soliq stavkalari oʻrtacha 30 foizga pasaytirildi va tadbirkorlik subʼektlarini faoliyat koʻrsatayotgan joyiga qarab tabaqalashtirish kengaytirildi. Avval amalda oziq-ovqat va nooziq-ovqat mahsulotlari bilan chakana savdo qilish uchun qatʼiy belgilangan soliq miqdori Toshkent shahri uchun eng kam ish haqining 10 barobari va viloyatlar markazlarida 6,5 barobari miqdorida belgilangan boʻlsa, 2018-yilda tegishlicha 7 barobari va 5 barobari miqdorida hamda yuk tashish xizmatlari uchun avtomobillarning yuk koʻtarish tonnasiga qarab, eng kam ish haqining 2-4 barobar miqdorida belgilangan boʻlsa tegishlicha 1,5-3,5 barobar qilib belgilanmoqda, yaʼni oʻrtacha 30 foizga kamaymoqda.
Shuningdek, yigʻilishda tadbirkorlar soliq imtiyozlari va preferentsiyalar haqida ham batafsil maʼlumotga ega boʻldilar.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
