Amudaryoda tumani hokimi rahbarligidagi sektor hududida joylashgan 300 ta xonadonga jami 2 mlrd soʻmdan ortiq kreditlar berildi

Oʻzbekiston Pespublikasi Vazirlar Mahkamasining qaroriga muvofiq Amudaryo tumanidagi tijorat banklari xodimlari tumanning barcha xonadonlarida boʻlib, ularning kreditga boʻlgan ehtiyojini oʻrganib chiqdi.

Jumladan, 2017-yil davomida tuman hokimi S.Yoʻldoshev rahbarligidagi 1-sektor hududi joylashgan 300 ta xonadon egalariga jami 2 mlrd 151 mln 200 ming soʻmlik kredit mablagʻlari berildi. Shundan baliqchilik yoʻnalishi boʻyicha 1 xonadonga 14 mln 900 ming soʻm, issiqxona qurish uchun 4 ta xonadonga 23 mln 956 ming soʻm, parrandachilikni rivojlantirish uchun 7 ta xonadonga 40 mln 414 ming soʻm, savdo xizmati uchun 1 ta xonadonga 15 mln soʻm va chorvachilikni rivojlantirish uchun 287 ta xonadonga 2 mlrd 56 mln 937 ming soʻm miqdorida kreditlar ajratildi.

Shuningdek, 1-sektor hududidagi kam taʼminlangan oilalarni qoʻllab-quvvatlash maqsadida oʻtgan yilning noyabr-dekabr oylarida “Mikrokreditbank” ATB tuman filiali tomonidan 4 foizlik stavkada 23 ta kam taʼminlangan oilalarga jami 126,1 mln soʻm miqdorida chorvachilikni rivojlantirishlari uchun imtiyozli kreditlar ajratildi. Xonadon egalarining maishiy texnikalarga boʻlgan ehtiyojlari oʻrganib chiqilib, 31 ta kam taʼminlangan oilalarga turli xildagi maishiy texnikalar berildi.

Gʻ.Yeshniyozov