Amudaryoda yil boşidan beri 49 ta kiçik biznes subʼektlariga jami 3 mlrd. 937 mln. söm kredit mablağlari ajratildi

Hammamizga maʼlum, hozirgi davrda davlatning iqtisodiyotini rivojlantiriş va barqarorligini taʼminlaşda tadbirkorlik subʼektlari faoliyatining örni alohida ahamiyatga ega.

Özbekiston Respublikasi Prezidenti Ş.M.Mirziyoyevning 2017-yil 22-dekabr kungi Oliy Majlisga qilgan Murojaatida ham tadbirkorlik subʼektlariga nisbatan ötkazilayotgan noqonuniy tekşirişlar, xususiy biznes faoliyatiga asossiz aralaşişga qarşi kuraşni kuçaytiriş kerakligi hamda şu maqsadda tadbirkorlik subʼektlari faoliyatini tekşiriş tizimini tubdan qayta körib çiqiş lozimligini bildirdi.

Şuningdek, 2018-yilga “Faol tadbirkorlik, innovatsion ğoyalar va texnologiyalarni qöllab-quvvatlaş yili” deb nom berilganligi munosabati bilan barça tadbirkorlik subʼektlarining moliyaviy-xöjalik faoliyatini tekşirişni 2-yilga töxtatilib, Boş prokuror boşçiligida nazorat qiluvçi organlar rahbarlari har oyda namunali, faol tadbirkorlar bilan uçraşuvlar taşkil etib, ularni qiynayotgan muammolarni eşitiş, qonuniy faoliyatiga tösqinlik qilayotgan kamçiliklarni aniqlaş
va bartaraf etiş çoralarini körib borişi talabi qöyildi.

Uşbu murojaatnomadan kelib çiqib, Amudaryo tumani prokuraturasi taşabbusi bilan tuman hududidagi tadbirkorlik subʼektlari bilan har oyda tumandagi mutasaddi idoralar rahbarlari iştirokida uçraşuv va tadbirlar ötkazilib kelinmoqda.

Uşbu uçraşuvlarda tadbirkorlik faoliyati bilan şuğullaniş istagida bölgan fuqarolarga faoliyatni yölga qöyiş, işlarni taşkil qiliş hamda rasmiylaştiriş yuzasidan tegişli idoralardan tuşuntiriş va takliflar bildirildi.

Şuningdek, faoliyati töxtatilgan va harakatsiz turgan korxonalar rahbarlari yakka tartibda suhbatlar ötkazilib kelinmoqda.

Tuman hududida qişloq xöjaligini rivojlantiriş maqsadida “Jahon taraqqiyoti va tiklaniş banki” krediti asosida 2018-2019-yillarga möljallangan 60 ta loyihalarni qöşimça ravişda amalga oşiriş rejalaştirilgan va ularga ajratiladigan imtiyozli kreditlar miqdori 13287 ming AQŞ dollarini taşkil qiladi.

Bugungi kunda uşbu kreditlar asosida tumanda faoliyat yuritayotgan “Xöjaköl” hamda “Amudaryo sohili” fermer xöjaliklari tomonidan çorvaçilikni rivojlantiriş maqsadida 2 mlrd. 800 mln. sömlik kredit mablağlari hisobiga 132 ta naslli qora mollar Polşa Respublikasidan olib kelindi.

Şuningdek, “Örta qalʼa çorvadori” agrofirmasi tomonidan “Asalariçilikni rivojlantiriş” maqsadida 1 mlrd. 200 mln. sömlik şundan 1 mlrd. sömi bank krediti mablağlari hisobiga asalari oilalarini olib keliş va har bir hudud hamda fermer xöjaliklarida asalarçilikni rivojlantiriş rejalaştirilgan.

Bundan taşqari, baliqçilik, zamonaviy muzlatkiçli omborxonalarni taşkil qiliş, meva-sabzavot mahsulotlarini yetiştiriş va qayta işlaşni taşkil qiliş yönalişlarida loyihalar Davlat dasturiga kiritilgan.

Joriy yilda “Özsanoatkurilişbank” Qoraqalpoğiston filiali bilan 4 ta kam quvvatda işlayotgan parrandaçilik korxonalari böyiça manzilli dastur işlab çiqilgan.

Tuman hududida böş turgan, kam quvvatda işlayotgan korxonalar faoliyatini qayta tiklaş va kengaytiriş yoki ular negizida yangi işlab çiqarişlarni taşkil etiş yuzasidan “Mangit” masʼuliyati çeklangan jamiyati tomonidan Umumiy ovqatlaniş va savdo dökoni taşkil qilişga “Yöl xaritasi” işlab çiqilib, joriy yilda işga tuşurilişi rejalaştirilgan.

Joriy yilning aprel oyi holatiga tumandagi tijorat banklari tomonidan 49 ta kiçik biznes subʼektlariga jami 3 mlrd. 937 mln. söm miqdorida kredit mablağlari ajratilgan bölib, şundan tadbirkorlik  subʼektlarining aylanma mablağlarini şakllantiriş maqsadida 28 nafar tadbirkorlarga 1 mlrd. 750 mln. söm, işlab çiqarişni rivojlantiriş maqsadida 3 nafar tadbirkorlarga 270 mln. söm kredit mablaği ajratilgan.

Şuningdek, tumandagi hunarmandlarni qöllab-quvvatlaş maqsadida 15 nafar hunarmandlarga jami 503 mln. söm kredit mablağlari ajratilgan.

Tadbirkorlik subʼektlari bilan uçraşuvlar davom etmoqda.

I.I.RAZAKOV, Amudaryo tumani prokurorining iş örganuvçi katta yordamçisi