IBPOYIM YuSUPOV XOTIPASIGA BAGʻIShLANGAN TANLOV OʻTKAZILDI

Oʻzbekiston va Qoraqalpogʻiston xalq shoiri Ibroyim Yusupov XX asrning ikkinchi yarmi va XXI asr adabiyotida serqirra ijodi bilan oʻz oʻrniga ega boʻldi. U nafaqat sheʼriyatda, balki dramaturgiya va publitsistikada ham ijod qilib, xalq qalbidan joy oldi.
Qoraqalpoq adabiyotida yorqin sahifa ochgan Ibroyim Yusupov xotirasiga bagʻishlab tumanimizda yoshlar oʻrtasida “Ayaziy bilimdonlari” tanlovi oʻtkazildi. Yoshlar ittifoqi tuman Kengashi tomonidan Ibroyim Yusupov hayoti va ijodini yosh avlodga yanada chuqurroq oʻrgatish maqsadida tashkillashtirilgan tanlovda 14 yoshdan 30 yoshgacha boʻlgan ittifoq faol yoshlari ishtirok etdilar.
Tanlovda ishtirokchilar Ibroyim Yusupovning hayoti va ijodi boʻyicha savol-javob, test sinovi, I. Yusupovning sheʼriyati bilimdonlari hamda sheʼriy parcha shoirning qaysi sheʼriga tegishliligini aniqlash kabi shartlar asosida oʻz bilimlarini sinovdan oʻtkazdilar.
Barcha shartlarni aʼlo darajada bajarishga harakat qilgan ittifoqning faol yoshlari orasidan gʻoliblar saralab olindi. Tanlov yakunida 14 yoshdan 20 yoshgacha boʻlgan yoshlardan Umida Habibullayeva 1-oʻrin, Mohira Shomurodova 2-oʻrin, Marhabo Oʻrozboyeva 3-oʻrin gʻolibi deb topildi. 20-30 yoshdagilar oʻrtasidagi tanlovda esa Dilnoza Ibragimova 1-oʻrin, Yulduz Yusupova 2-oʻrin, Gʻulomjon Abdullayevlar 3-oʻrin gʻolibi boʻldilar.
Gʻoliblar Yoshlar ittifoqi tuman Kengashi tomonidan diplom va sovgʻalar bilan taqdirlandilar.

Javlonbek YOʻLDOShEV, Yoshlar ittifoqi  tuman Kengashi press-klub yoʻnalishi yetakchisi.