YoSh TENNISChILAR QORAQALPOGʻISTON ChEMPIONI
Respublikamizda yosh sportchilar oʻrtasida turli sportlar boʻyicha Chempionat musobaqalari oʻtkazilmoqda. Tumanimiz sport maktabi sportchilari ushbu musobqalarda ishtirok etib, mutlaq gʻoliblikni, yaʼni chempionlikni qoʻlga kiritishga muvaffaq boʻlmoqdalar.
Yaqinda Nukus shahrida 14-16 yoshdagi oʻsmirlar oʻrtasida stol tennisi boʻyicha Qoraqalpogʻiston Chempionati uchun musobaqa oʻtkazildi. Musobaqada tumanimiz sport maktabi yosh sportchilari ham ishtirok etdilar. Musobaqa jarayonida sportchilarimiz tezkorlik, abjirlik va chaqqonlikda raqiblardan orta qolmaslikka harakat qildilar.
Natijada oʻz raqiblaridan ustun kelishga erishgan yosh sportchi Jamshid Yusufboyev yakka turdagi musobaqa chempioni boʻlib, faxrli 1-oʻrinni egalladi. Shuningdek, qizlar oʻrtasida oʻtkazilgan juftlik oʻyinlarida Madina Shomurodova hamda Muhabbat Xoʻjaboyevalar ham 1-oʻrin gʻolibligini qoʻlga kiritdilar. Yosh ishtirokchilardan Sevinch Rajabova esa oʻz tengdoshlaridan ustun kelib, 1-oʻrinni olishga muvaffaq boʻldi. Oʻgʻli bolalar oʻrtasida oʻtkazilgan musobaqada Dilshod Rajabov 2-oʻrin, qizlar oʻrtasida Xurshida Qoʻchqorova 3-oʻringa loyiq deb topildi.
Qoraqalpogʻiston chempionligini qoʻlga kiritgan gʻoliblarga Oʻzbekiston Chempionati musobaqasiga yoʻllanma berildi.
Hamida RAJABOVA,
Bolalar va oʻsmirlar sport maktabi murabbiysi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
