Amudaryolik futbochilar ketma-ket gʻalaba qozonmoqda

Ayni kunlarda futbol boʻyicha XXV Qoraqolpogʻiston chempionati bahslarida “Amudaryo” jamoasi munosib ishtirok etmoqda.

Guruh bosqichidagi ilk oʻyin shu yilning 26-iyun kuni “Amudaryo” va “Dauqara” jamoalari oʻrtasida boʻlib oʻtdi. Taxtakoʻpir tumanida oʻtkazilgan oʻyinda hisob mehmonlar foydasiga hal boʻldi yaʼni “Dauqara” - “Amudaryo” – 2:3.

Ilk gʻalaba namunasidan kuch olib, ikkinchi bahsga jiddiy tayyorgarlik koʻrgan tumanimiz futbolchilari 4-iyul kuni Qoraoʻzak tumanining “Terbenbes” jamoasi ustidan ham ishonchli zafar quchdilar, “Terbenbes” - “Amudaryo” – 0:2!

“Amudaryo” jamoasi gʻalabali oʻyinlarni davom ettirib, “Xoʻjayli -Turon” jamoasini oʻz maydonida 10-iyul kuni boʻlib oʻtgan uchrashuvda 3:1 hisobida magʻlubiyatga uchratdi.