Futbolchilarimiz zafar quchmoqda

Ayni kunlarda futbol boʻyicha XXV Qoraqalpogʻiston chempionati bahslarida tumanimizning “Amudaryo” jamoasi munosib ishtirok etmoqda.

Hamyurtlarimiz shu yilning 26-iyun kuni boʻlib oʻtgan guruh bosqichidagi ilk oʻyinda Taxtakoʻpir tumanining “Dauqara” jamoasini 2:3, 4-iyul kuni Qoraoʻzak tumanining “Terbenbes” jamoasini 0:2 hisobida magʻlub etdi.

“Amudaryo” jamoasi gʻalabali oʻyinlarni davom ettirib, oʻz maydonida 10-iyul kuni “Xoʻjayli-Turon” jamoasini 3:1 hisobida, 14-iyul kuni Qoraqalpoq davlat universiteti jamoasini 2:1 hisobida magʻlubiyatga uchratdi.

Suratda: “Amudaryo” jamoasi aʼzolari.